Tuesday , July 5 2022
Dragon Lady Amor Virata

Prime Water, mataas sumingil, kahit tubig sa gabi lang tumutulo

Isumbong mo
kay DRAGON LADY
ni Amor Virata

HINDI lamang ang bayan ng Dasmariñas, Cavite sa ilalim ng Prime Water ang dumaranas na tuwing gabi lamang tumutulo ang tubig sa kanilang mga gripo.

Maging ang mga subdibisyon sa San Jose del Monte, Bulacan, gaya ng mahigit sampung ektaryang subdibisyon ng Kelsey Hills na matatagpuan sa Muzon, San Jose del Monte City, Bulacan ay dumaranas din ng bulok na serbisyo ng Prime Water.

Dahil sa kawalan ng tubig at sa hatinggabi lang tumutulo ang tubig, napupuyat ang mga residente sa nag-iipon ng tubig. Partikular na apektado ay mga empleyadong pumapasok nang maaga sa kanilang mga trabaho.

Senator Cynthia Villar, pakialaman mo sana ito, dahil sabog dito ang pangalan mo dahil kayo ang nag-mamay-ari ng Prime Water.

Dahil sa kawalan ng tubig sa Kelsey Hills, maraming mga bumili ng bahay thru Pag-IBIG Fund financing, ang ibinebenta ang kanilang mga yunit ngayon. ‘Yun namang nag-in house financing ay sobra-sobrang pagkadesmaya ang nararansan kaya ibinebenta na rin ang kanilang bahay.

Ang masakit, pagdating ng water bills  susmaryosep, hihimatayin ka sa taas ng singil kahit  walang tubig.

Ang suspetsa ng maraming real estate developer, sinasadya ng Prime Water na buwisitin ang water supply ng ibang subdivision, nang sa gayon ay magsilipat sa mga subdibisyon ng mga Villar na kabi-kabilang nagsulputan sa loob ng San Jose del Monte City.

               Nakapagtataka na mula nang mapunta sa Prime Water ang dating San Jose del Monte Water District, e bigla rin nagsulputang tila malalaking ‘kulugo’ ang mga subdibisyon ng mga Villar.

               And take note, habang putol-putol, mabaho, at maitim ang tubig na lumalabas sa gripo ng mga ibang barangay at lugar sa San Jose del Monte, walang reklamong maririnig sa mga residente sa kanilang subdivisions na Palmera at Camella. 

               Ibang klase rin kayong magpalakas ng negosyo ha, Madam Cynthia Villar? 

               Moderate your greed naman!

About Amor Virata

Check Also

FIRING LINE ni Robert B. Roque, Jr.

RIP, Nonoy Andaya

FIRING LINEni Robert B. Roque, Jr. ITINAKDA ngayong araw ang inurnment ni dating Camarines Sur …

AKSYON AGAD ni Almar Danguilan

Patay muna aso bago turok ng bakuna

AKSYON AGADni Almar Danguilan KAPAG namatay na ang aso, saka lang babakunahan para sa anti-rabies …

PROMDI ni Fernan AngelesI

MOA ni Gina Lopez, ibasura na

PROMDIni Fernan Angeles NANANAWAGAN ang mga katutubong magsasaka at mga residente ng Sitio San Roque, …

Dragon Lady Amor Virata

Kagulat-gulat na anunsiyo ni Parañaque newly elected mayor

Isumbong mokay DRAGON LADYni Amor Virata FIRST time in history sa local government ng Parañaque, …

Sipat Mat Vicencio

‘Butas ng karayom’ ang papasukin ni Bongbong

SIPATni Mat Vicencio ANG pormal na panunumpa ni Ferdinand “Bongbong” Marcos, Jr., bilang ika-17 pangulo …