Saturday , May 28 2022
Bida Kayo Kay Aga Muhlach

Aga ibinahagi ang kanyang best bida moment

PABONGGAHAN
ni Glen P. Sibonga

NATANONG namin si Aga Muhlach sa virtual mediacon ng bago niyang show sa NET 25, ang Bida Kayo Kay Aga, kung ano ang maituturing niyang best bida moment sa kanyang buhay sa kabila ng tinatamasa niyang success sa career for so many years.

Sandaling nag-isip si Aga at saka niya sinagot ang aming tanong, “Alam mo ngayon ko lang pag-uusapan ito. Nahihiya kasi akong magkuwento dahil hindi ko naman kailangang ipangalandakan. Pero ‘yung best bida moment ko na masasabi ay ‘yung marami akong napasaya at natulungang mga tao. Mayroon na rin akong mga napagtapos ng pag-aaral. Walang tatalo sa ligayang nararamdaman ko sa tuwing naririnig ko ‘yung pasasalamat nila. Tapos sasabihin, ‘hindi ka namin makakalimutan.’ Yun talaga ang bida sa puso ko. Ang sarap tumulong.”

Samantala, ibang tao naman na sinasaluduhan at hinahangaan ni Aga ang bibida sa bagong show na iho-host niya sa NET 25, ang Bida Kayo Kay Aga, isang feel-good reality show, na ipalalabas na sa March 26, Sabado, 7:00 p.m.. 

Bibida sa show ang mga daddy na katulad ni Aga ay achiever din sa life sa pinasok nilang larangan. Kilalanin ang mga OOHD o Out-of-Home-Daddies na bagaman abala sa pagpo-provide para sa kanilang pamilya ay nabibigyan pa rin ng panahon ang pagiging adventurous at sporty sa pamamagitan ng biking, surfing, hiking at iba pa.

Nariyan din ang mga Daddy D-I-Y o ang mga tatay na maaasahan pagdating sa mga kailangang ayusin sa loob ng bahay. Ibibida rin sa programa ang mga Daddy Foodie o ang mga dad na mahilig at masarap magluto. 

Alamin ang mga libangan at kinahihiligan ng mga tatay sa panahon ngayon sa segment na DAD’s Entertainment. Marami ang makare-relate sa mga plantito, collector ng pop culture items, pagtugtog ng musical instruments at iba pa. Mapapanood din ang Digital Dads o “dadfluencers” na name-maintain ang kanilang nakaaaliw na mga post sa kanilang social media account.

Makikilala naman ang mga BIDA BOSS o ang mga nagsimula sa isang mahirap na kalagayan, patungo sa kinalalagyan nila ngayon, na may sarili na silang negosyo at patuloy pang lumalago.

Tiyak na hahanga rin ang mga Pinoy sa mga BIDA SA LIFE o ang mga taong mula sa wala, ay nagkaroon ng oportunidad para mabago ang kanilang buhay, tungo sa kanilang tagumpay na tinatamasa ngayon. BIDA BEST naman ang magtatampok sa mga ‘ika nga ay “random acts of kindness,” o ang mga taong nakahandang tumulong at magmalasakit nang walang hinihinging kapalit.

Mapapanood ang Bida Kayo Kay Aga sa Net25 TV, Net25 Facebook page at Youtube channel tuwing Sabado, 7pm, simula sa March 26.

About Glen Sibonga

Check Also

Baron Geisler Pusoy

Baron nahiya sa 7 daring scenes sa Pusoy; Kung kailan nag-40 at saka naghubad

SHOWBIZ KONEKni Maricris Valdez Nicasio PITONG sexy scenes ang sinalangan ni Baron Geisler sa Pusoy ng Vivamax na mapapanood na simula …

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …