HATAW! D'yaryo ng Bayan hatawtabloid.com
KITANG-KITA KO
ni Danny Vibas
KAHIT nasa bahay lang si Marian Rivera, laging may interesting developments tungkol sa kanya.
Ang isang big news tungkol sa misis ni Dingdong Dantes ay ang pagiging fashion designer na nito.
Ang higit pang mas malaking balita ay halos sold out na ang mga damit pambabae na idinisenyo ni Marian tatlong araw pa lang pagkalunsad n’ya ng mga ‘yon noong Biyernes.
At P10, 000.00 ang bawat isa sa mga ‘yon! Online ibinebenta ni Marian ang mga ‘yon.
Actually, anim na piraso lang naman ang inilabas n’ya. Noong ikatlong araw, isa na lang ang natira. Bulalas nga ng ilang netizens na ikinagulantang ang bilis na mabenta ng mga damit ni Marian: “Wow, ang dami palang mapera sa Pilipinas.
Inilunsad ni Marian ang mga idinisenyo n’yang damit sa pamamagitan ng flower-shop-turned-lifestyle business n’yang Flora Vida.
“Comfy” dresses ang bansag ni Marian sa mga idinisenyo n’ya. At kaya ganoon kamahal ang mga iyon ay dahil “made with OEKO-TEX-certified linen,” which means the fabric used was not made with allergenic dyes, pesticides, heavy metals, and other harmful substances.
Kung gusto n’yong makita anng comfy dresses ni Marian, just log on to www.floravidabymarian.com
The Kapuso entrepreneur says about her collection, “Inspired by my love for dressing up and comfortable classic silhouettes that Flora Vida clothing was born.
“This collection consists of well thought about pieces that you can wear for lounging or your day-to-day activities.
“I hope you enjoy this collection as much as I enjoyed doing it and I look forward to seeing how you will style your Flora Vida clothing pieces!”
Ang isa pang balita tungkol kay Marian ay ang deklarasyon n’yang payag siyang madagdagan ng isa pa ang dalawang anak nila ni Dingdong.
Masipag na negosyante rin si Dingdong sa panahon ng pandemya kaya tiyak na hindi problema sa kanya na madagdagan pa ng isa ang mga anak nila.
Hindi po buntis si Marian. Inia-announce lang n’ya na pwede pa silang magkaanak ni Dingdong.
