Sunday , May 26 2024
Albert Martinez, Faith da Silva

Faith kay Albert: Maalaga siya, komportable ako sa kanya

KITANG-KITA KO
ni Danny Vibas

PARANG nauuso na talaga sa Pinoy showbiz ang May-December relationship. Umamin na sina Maris Racal at Rico Blanco. Wala namang balitang nagkasira na sina RK Bagatsing at dating child star na si Jane Oineza. Higit na mas bata rin si Jane kay RK. 

Matindi ang suspetsa naming may nabubuo ng relasyon sina Faith da Silva, 20, at Albert Martinez. Hindi pa lang sila handang aminin ang katotohanan. 

Kasi kung wala naman talaga, malutong na sabihin na lang na wala talaga dahil ‘di naman makaaapekto sa kung anumang project nila ang ganoong pag-amin. Sa mga pelikula lang ng young stars umaasa ang youth viewers na may relasyon din sa tunay na buhay ang lead stars ng pelikula. Pang-adult ang mga proyektong pinagtatambalan nina Faith at Albert, gaya ng Las Hermanas. 

Pa-professional na sagot ni Faith: ”Napag-usapan namin pero in passing lang. Hindi siya ‘yung seryosohan talaga. Parang pinagbibiru-biruan lang namin. Tuksu-tuksuhan lang. Para sa aming dalawa kasi, professional lamang lahat. Walang ilangan.”

Pero may pahiging din naman ang dalaga tungkol sa nagaganap sa kanila ng biyudong si Albert. 

Lahad pa ni Faith: ”Iba ‘yung relationship namin together. Komportable kami sa isa’t isa.

“Masaya ako na nakilala ko siya in a deeper level. He was really there to support me and guide me.

“Maalaga kasi talaga siya and very grateful ako na ‘yung side na ‘yun of him, eh, nakita ko dahil hindi ko ine-expect na isang beteranong aktor, eh, ganoon makitungo sa akin.”

Nang tanungin kung posibleng magmahal siya ng lalaking mas matanda sa kanya, makahulugan ang sagot ni Faith.

Aniya, ”For me, walang edad na pinipili ang pagmamahal. Basta maramdaman mo na totoo ‘yung nararamdaman mo sa tao.

“Regardless of the age, kahit anong bagay ‘yan, basta mahal ninyo ang isa’t isa, wala kayong tinatapakang tao, eh, go lang ‘yan!”

Isinilang si Albert noong April 19, 1961.

April 29, 2001 naman ang birthday ni Faith, na may malaking pagkakahawig kay Miss Universe 2015 Pia Wurtzbach at nangangarap ding maging beauty queen sa tamang panahon.

Sinabi ni Faith na napag-usapan nila ni Albert ang mga tsismis tungkol sa kanila pero hindi ito seryoso.

Lahad ng Kapuso newcomer, ”Nag-usap kami. Napag-usapan namin pero in passing lang.

“Hindi siya yung seryosohan talaga. Parang pinagbibiru-biruan lang namin. Tuksu-tuksuhan lang.

“Para sa aming dalawa kasi, professional lamang lahat. Walang ilangan.

“The fact na nakikita ng mga tao na okay ang chemistry namin together, I think ‘yun ang mas importante sa amin.”

Matunog na “Direk Albert” ang tawag ni Faith sa veteran actor.

Biyudo na si Albert dahil pumanaw ang kanyang misis na si Liezl Martinez noong March 14, 2015. Malayang-malaya si Albert para muling magmahal at makipagrelasyon.

Mula noong kilalanin si Albert bilang serious actor, hindi na kinakalkal at kinakapital ang personal lovelife n’ya. May mga masalimuot ding relasyon noon si Albert. Tuloy-tuloy pa rin ang reputasyon n’ya bilang seryoso at nirerespetong aktor, kaya kung totoo mang may nabubuo ng relasyon sa kanila ni Faith, bakit n’ya ipakakalkal ‘yon at mababoy ang estado n’ya.

About Danny Vibas

Check Also

Aktor ginamit ang power para mawalan ng trabaho kapwa aktor    

COOL JOE!ni Joe Barrameda I feel sorry para sa aming kaibigan na nawalan ng trabaho …

Kelvin Miranda Kira Balinger

Kelvin at Kira focus sa kanya-kanyang trabaho

COOL JOE!ni Joe Barrameda LAST 2022 pa pala na shoot ang pelikulang Chances Are You And …

Kiko Estrada Lumuhod ka sa Lupa

Kiko tatapatan sa pag-aaksiyon sina Coco at Ruru

PUSH NA’YANni Ambet Nabus AYAW pag-usapan ni Kiko Estrada ang mga naging relasyon niya in the past …

mWell MVP Martin Nievera Regine Velasquez Ogie Alcasid

Martin, Ogie, Regine nakiisa sa unboxing ng newgen watch at precious ring ng mWell

PUSH NA’YANni Ambet Nabus BONGGANG-BONGGA ang ginanap na ‘unboxing’ ceremony ng mWell, ang health app ng Metro …

Regine Tolentino iSkin Aesthetic Lifestyle Kate Pagkalinawan

Regine no-no muna sa movie & tv projects

I-FLEXni Jun Nardo TUTOK sa kanyang negosyo at pagsasayaw si Regine Tolentino kaya hindi muna siya tumatanggap …