Wednesday , May 29 2024
Rico Blanco, Maris Racal, PBB

Rico Blanco payag maging housemate sa PBB 10

FACT SHEET
ni Reggee Bonoan

SA ginanap na zoom mediacon para kay OPM Icon Rico Blanco nitong Martes para sa bago niyang areglo ng Pinoy Big Brother theme song na Pinoy Ako na orihinal ng Orange and Lemon ay natanong siya kung okay sa kanyang pumasok sa loob ng Bahay ni Kuya bilang celebrity housemate.

“Okay naman, kaso baka i-evict nila ako kaagad kasi ang ingay-ingay ko. Wala akong gagawin kundi tumugtog ng tumugtog.

“Kailangan magpaalam lang ako sa mga artist na mina-manage ko. Kailangan kong magpaalam ng maayos. Gaano katagal ba ‘yun usually?”balik-tanong ni Rico sa host na si Myx VJ Ai de la Cruz at sinagot siya ng ‘it takes months.’

“’Yun lang (natawa) kasi may mga artist akong mina-manage. But let’s say wala ‘yun? I think that’s really interesting. I had this conversation before with my family while we were watching kasi paborito siya ng lola ko, God bless her she’s not with us anymore.

“There was a time na I used to go to her room and ‘yun ‘yung bonding naming, nanonood siya (PBB), so with my titas, my mom, my relatives would ask me, ‘kung ikaw papasok ka? Ay ‘wag na lang ikaw kasi makikipagsagutan ka kay Kuya, eh (natawa).

“Magpapaliwanag daw ako, hindi ako magpapatalo (kay Kuya). Yeah, maybe, but yeah, ‘wag na lang (pumasok sa PBB),” tumatawang kuwento ni Rico.

Samantala, narinig na ang bagong areglo ng Pinoy Ako ni Rico na magsisilbing official soundtrack ng Pinoy Big Brother (PBB) Kumunity Season 10 sa ASAP Natin ‘To at kasama ang ex-housemates at Big Winners na sina Kim Chiu, Maymay Entrata, Melai Cantiveros, Robi Domingo, Edward Barber, Loisa Andalio, at Maris Racal na sinayaw nila.

Maraming netizens ang nagkagusto ng bagong tunog na ito ni Rico tulad ng YouTube user na si Christine Loy, ”a chic, edgy, and fresh take on Pinoy Ako. Awesome performance by Rico Blanco.”  

Para naman kay Twitter user @jkthelagogh, ”Wait, ang cool pakinggan ‘nung version ni Rico Blanco ng Pinoy Ako. PBB season na nga ulit.”

Patok din kay netizen Shyra Dee ang bagong tunog ng Pinoy Tayo, na lead single sa 25-track album ng tanyag na composer at ABS-CBN Music creative director na si Jonathan Manalo para sa kanyang ika-20 taon sa industriya.  

“Wooah! Love the version. Thank you sir Jonathan Manalo. Hoping mapanood ulit si Rico at Maris sa ‘ASAP’ stage,” komento ni Shyra sa performance na mapapanood pa rin sa ABS-CBN Entertainment YouTube channel.  

Si Jonathan ang supervising producer ng single, habang nagsilbing producer si Rico. Nagdagdag din siya ng bagong liriko sa orihinal na Pinoy Ako song na isinulat nina Jonathan at Clem Castro at unang pinasikat ng bandang Orange and Lemons.

At para sa latest tungkol sa Pinoy Big Brother Kumunity Season 10, i-follow ang @pbbabscbntv sa Facebook (@pbbabscbntv), Twitter (@pbbabscbn), Instagram (@pbbabscbntv), at kumu (@pbbabscbn).  Para sa ibang balita, i-follow ang @ABSCBNPR sa Facebook, Twitter, Instagram, at Tiktok o pumunta sa www.abs-cbn.com/newsroom.   

About Reggee Bonoan

Check Also

Alfred Vargas Piolo Pascual FAMAS

Best Actor award ng FAMAS sinungkit ni Alfred Vargas, ka-tie ni Piolo Pascual

ALAM MO NA!ni Nonie Nicasio NAPALUNAN ni Alfred Vargas ang kanyang unang FAMAS Best Actor …

Kris Bernal Hailee Lucca

Kris Bernal problema pa rin paghahanap ng yaya sa anak

MATABILni John Fontanilla MAY isang taon na pala simula nang mag-post si Kris Bernal sa kanyang social …

Eva Darren FAMAS Sheena Palad Tirso Cruz III

Kontrobersiya laging kakabit ng FAMAS

I-FLEXni Jun Nardo HAYAAN na ninyo ang FAMAS. Humingi na rin naman ito ng apology sa …

Mic Singing

Singer alsa balutan sa holding area nang sabihang ‘Bakla Ka!’ ni Gay make up artist 

I-FLEXni Jun Nardo TINAWAG na bakla  ng isang gay make up artist and stylist ang isang klosetang singer nang …

FAMAS

FAMAS nakabawi na sana nabahiran pa ng pang-iisnab

HATAWANni Ed de Leon NAKATUTUWA nga sana ang FAMAS sa taong ito. Kasi binigyan nila ng pagkilala …

Leave a Reply

Your email address will not be published. Required fields are marked *