MATABIL
ni John Fontanilla
MATAPOS ng successful na tambalan nina Joaquin Domagoso at Cassy Legazpi, isa na naming proyekto ang pagsasamahan nilang dalawa bago matapos ang 2021.
Ayon kay Cassy, ”May next project na kami (Joaquin) na naka-line-up which I cannot say kung ano man ‘yun. But I dont mind naman working with JD but I love working with JD. We’ve gotten much closer especially noong ‘First Yaya,’ sa mga lock-in (tapings) nito.
“Ako naman kasi personally I’m okey to work with anyone. If I’m going to work with JD again I’ll be glad and happy.”
At bukod kay Joaquin, gusto rin nitong makatrabaho si Alden Richards.
“Nag-iisip ako pero there is only one guy na gusto kong makatrabaho, Alden Richards. Alden talaga.
“Open ako to work with anyone, pero siyempre number one ko is Alden.”
At sa muling pagpirma ng bagong kontrata sa GMA 7, ‘di malabong makatrabaho nito si Alden.
