Tuesday , November 30 2021

Sa serye ng anti-crime ops sa Bulacan: 17 law breakers kalaboso

ARESTADO ang 17 katao sa ikinasang serye ng mga operasyon kontra kriminiladad sa lalawigan ng Bulacan simula noong Linggo, 18 Hulyo hanggang Lunes, 19 Hulyo.

Nadakip ang anim na hinihinalang mga tulak ng ilegal na droga sa mga ikinasang buy bust operation ng Station Drug Enforcement Unit (SDEU) ng Calumpit Municipal Police Station (MPS) at Meycauayan City Police Station (CPS).

Kinilala ang mga suspek na sina Manuel Panti, Carter Yturiaga, at Charlito Solana, pawang mga residente sa Brgy. Perez, Meycauayan; Joel Morillo ng Brgy. Iba, Meycauayan; Mitchie Ablaza ng Brgy. Balungao, Calumpit; at John Mervin Matic, alyas Bayben, ng Brgy. Palimbang, Calumpit.

Narekober ng mga awtoridad sa isinagawang operasyon ang may kabuuang 10 pakete ng hinihinalang shabu at buy bust money.

Gayondin, naaresto ang mga suspek na kinilalang sina Reyan Jazzin Cruz ng Brgy. Pandayan, Meycauayan, at isang Eliodoro Jr., ng Brgy. Lias, Marilao, ng mga elemento ng 1st Provincial Mobile Company habang sakay ng motorsiklo at nasabat sa checkpoint sa Brgy. Iba, Meycauayan, nakompiskahan ng tatlong pakete ng hinihinalang shabu, improvised water pipe, at digital weighing scale.

Samantala, nasukol ang anim katao sa operasyon laban sa ilegal na sugal na ikinasa ng Calumpit MPS at San Jose Del Monte CPS.

Kinilala ang mga suspek na sina Romulo Acuin ng Brgy. Gumaoc East; Avelino Habana, Rowel Laña, at Fabian Lazaro, pawang mga residente sa Brgy. Gaya-Gaya, sa San Jose del Monte; Bobby Canopin, Sr., at Joey Roxas, kapwa mula sa Brgy. Balungao, Calumpit.

Naaktohan ang mmga suspek sa tupada at nasamsaman ng mga manok na panabong, tari, at bet money.

Kalaboso rin ang mga suspek na sina Joan Alcantara, taga-Brgy. Malabon, Pulilan; Arthur Paez ng Brgy. Muzon, San Jose del Monte, kapwa naaresto sa kasong Theft; at Jeyvan Esmail ng Brgy. Kaypian, San Jose del Monte na may kasong Attempted Homicide at Malicious Mischief.

Ayon kay Bulacan police director P/Col. Lawrence Cajipe, patuloy ang pagpupunyagi ng pulisya ng lalawigan sa pagsupil ng lahat ng uri ng krimen batay sa kautusan ng Chief PNP P/Gen. Guillermo Eleazar at ni PRO 3 Director P/BGen. Valeriano De Leon. (MICKA BAUTISTA) ###

About Hataw Tabloid

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply