Friday , January 27 2023

2 wanted persons, kolektor ng loteng tiklo sa Bulacan

NADAKIP sa bisa ng warrant of arrest ang dalawang suspek na matagal nang pinaghahanap ng batas at isang hinihinalang kolektor ng ilegal na sugal sa magkakasunod na operasyon ng pulisya sa lalawigan ng Bulacan nitong Miyerkoles, 30 Hunyo.

Kinilala ang mga suspek na naaresto ng tracker team ng Pandi Municipal Police Station (MPS) at San Miguel Municipal Police Station (MPS) na sina Napoleon Ravena, alyas Poleng, ng Brgy. Cacarong Matanda, Pandi, may kasong Acts of Lasciviousness (RPC ART. 336); at Jay-Ar Ramos ng Brgy. Buga, San Miguel, na nahaharap sa kasong reckless imprudence resulting in damage to property.

Gayondin, sa ikinasang anti-illegal gambling operation ng mga tauhan ng Bocaue Municipal Police Station (MPS) sa Brgy. Batia, Bocaue, nadakip dakong 11:30 am kamakalawa ang isa pang suspek na si Exequiel Simon, Jr., alyas Simon, na residente sa nabanggit na barangay.

Naaktohan si alyas Simon na nangongolekta ng taya sa illegal numbers game na E-Z2 o loteng pero hindi nakapagpresinta ng anomang dokumento at ID na magpapatunay na siya ay rehistradong empleyado ng STL.

Nakompiska mula sa suspek ang mga papelitos, ballpen, at bet money na ngayon ay nahaharap sa reklamong kriminal.

Pahayag ni Bulacan police director P/Col. Lawrence Cajipe, ang pulisya ay hindi bumibitiw sa masigasig na kampanya laban sa ilegal na droga at ilegal na sugal, at walang humpay na nagsisikap upang matunton ang mga taong pinaghahanap ng batas. (MICKA BAUTISTA)

About Hataw Tabloid

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply