BL series nina Teejay at Jerome nasa Netflix na

MASAYA si Teejay Marquez dahil mapapanood na sa Netflix ang BL series nila ni Jerome Ponce, ang Ben X Jim at B X J Forever simula July 5.

Ayon kay Teejay, “Sobrang saya ko kasi mahilig akong manood ng Netflix, kaya nang mabalitaan ko na nasa Netflix ‘yung season 1 and 2 ng Ben X Jim, na-excite talaga ako.

“Mas marami na ang makakapanood at puwede pa nilang ulit-ulitin ang bawat episodes.”

Post ni Teejay sa kanyang FB account, “Who else is excited to watch #BenXJim seasons 1 & 2 on Netflix? Watch The MOST CELEBRATED BL OF 2021! Catch #BenXJimOnNetflix this July 5! Starring Jerome Ponce, Teejay Marquez. Also starring Vance Larena, Kat Galang, Sarah Edwards, Royce Cabrera, EJ Jallorina, Miko Gallardo, Darwin Yu, Anikka Dela Cruz, Ron Angles, Jomari Angeles. Directed by Easy Ferrer.”

Unang napanood ang Ben X Jim sa Youtube Channel at FB Page ng Regal Entertainment, habang ang season 2 ay sa Upstream.ph.

At dahil nag-click ang season 1 and 2 mas pinaganda ang season 3 nito na mapapanood bago matapos ang taon.

Ang Ben X Jim at BXJ Forever ay idinirehe ni Easy Ferrer.

John Fontanilla