Saturday , January 28 2023

42-anyos rider todas sa Isuzu wing van

PATAY ang 42-anyos motorcycle rider na inararo ng isang delivery truck habang naka-red signal ang traffic light sa Makati City kahapon ng madaling araw.

Dinala sa pagamutan ng mga tauhan ng Makati Rescue Team ang biktimang si Benedict Jose Gonzales Sungalon, residente sa nabanggit na lungsod ngunit binawian ng buhay.

Pinaghahanap ang driver at pahinante ng Isuzu Wing van, may plakang RJT-110 nang takasan ang insidente.

Sa ulat ng Makati Traffic Bureau, naganap ang insidenta sa panulukan ng Pres. Osmeña, Sr., Highway at A. Arnaiz Avenue sa Brgy. Pio del Pilar dakong 1:30 am.

Sa kuha ng CCTV, patawid mula sa Arnaiz ang Mio type scooter na minamaneho ng biktima nang mag-berde ang traffic light sa kanilang direksiyon.

Imbes huminto, dumiretso ang truck kahit red signal ang kanilang linya hanggang matumbok ang biktima, at nakaladkad ng ilang metro bago huminto.

Nagawa pang umabante ng kalahating kilometro ng truck na nakapangalan sa NCM Marketing Corp., bago tumigil saka tumakas ang dalawang lalaking sakay nito.

Kinailangang tanggalin ang nayuping motorsiklo bago naalis ang truck sa kalsada.

Pinaghahanap ang tumakas na driver at pahinante ng Isuzu Wing van. (JAJA GARCIA)

 

 

About Hataw Tabloid

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply