Sunday , September 25 2022

Recreation Avenue binuksan para sa PBA Bubble Delegate

SA PANGANGALAGA ng mental health ng lahat ng bubble residents para sa season reboot ng Philippine Basketball Association (PBA), pinabuksan na ng PBA commissioner’s office ang mga avenue na makapagbibigay ng kinakailangang relaxation at recreation para sa mga delegado.

Ngunit isasailalim ang mga player, team at league official, support staff at iba pang bubble insider sa mahigpit na alituntunin para matiyak ang maayos at ligtas na pagbabalik ng aksiyon para sa ika-45 season ng liga.

Ayon kay PBA commissioner Willie Marcial, nararapat umanong matulungan ang mga kalahok na ‘ma-de-stress’ mula sa impact ng health crisis dala ng coronavirus at ang ipinatutupad na lockdown at mga quarantine protocol ng pamahalaan.

“They’re going to be here for two months, away from their families and they will be under intense surveillance. We have to help them manage their stress, anxiety and homesickness,” paliwanag ni Marcial.

Nag-aalok ng golf, swimming, at table tennis, sinabi ni Marcial na magdaragdag ng billiards at darts gayondin ng isang video game hub sa hotel kung saan ang delegasyon ng PBA ay naka-billet.

Mayroong mga plano ang host na Clark Development Corp. (CDC) para maglagay ng bike at jogging paths para maggamit ng delegasyon.

Inaasahang makatutulong ang mga recreational activity para maharap ang dalawang-buwang kuwarantina sa Clark Freeport sa pagsisimula ng Philippine Cup. Nahaharap ang lahat, partikular ang mga player, sa mahigpit na protocols na ang layunin ay panatilihin ang bubble na ligtas sa coronavirus.

Bukod sa ibang health safety measures, inihayag ni Marcial na sinumang lalabas ng bubble ay hindi papayagan makabalik. Susuriing mabuti ang mga player, mula sa minsan sa isang lingo hanggang sa kada tatlong araw habang nagpapatuloy ang torneo.

Samantala, umabot sa limang koponan ang nagsimulang maglaro sa practice court sa Angeles University Foundation (AUF) gym sa Angeles, Pampanga.

Kinabibilangan ito ng Magnolia Pambansang Manok Hotshots, Phoenix Super LPG Fuel Masters, Meralco Bolts, TNT Tropang Giga at Terra Firma Dyip.

Tracy Cabrera

About Hataw Tabloid

Check Also

Al-Basher Basty Buto Chess

NM Buto naghari sa Angeles rapid chess festival

MANILA — Naitala ni National Master Al-Basher “Basty” Buto ng Cainta, Rizal ang importanteng panalo …

Philracom Horse Race

Paborito si Mommy Caring

MARKADO sina Mommy Caring at Cam From Behind sa magaganap na 2022 PHILRACOM “Sampaguita Stakes …

Rubilen Amit Carlo Biado Johann Chua

Amit, Biado, Chua namayagpag
PH TRIO KAMPEON SA WORLD TEAMS 10-BALL

ni Marlon Bernardino MANILA — Itinanghal na kampeon ang Filipino trio na sina Rubilen Amit, …

Rubilen “Bingkay” Amit

Sa Austria
AMIT, CENTENO NAGPARAMDAM AGAD NG LAKAS 

MANILA, Philippines – Nagparamdam agad ng lakas sina Billiard stars Rubilen Amit at Chezka Centeno …

Rhaki Roj Constantino

Dan Kang kalahok sa Mappa KnightShot 10-Ball Cup

ANG pool player at motorcycle enthusiast na si Dan Kang ay lilipad mula South Korea …

Leave a Reply