Tuesday , November 30 2021

Data privacy ng pasyente ipinaalala ng DOH

NAGBABALA ang Department of Health (DOH) sa publiko laban sa hindi awtorisadong pagsasapubliko ng mga pangalan ng mga pasyenteng dinapuan ng coronavirus disease 2019 (CoVid-19), na maaaring makulong at magmulta hanggang P2 milyon ang mga lalabag.

Pahayag ito ng DOH matapos makatanggap ng ulat na may kumakalat na listahan ng mga CoVid-19 positive patients.

“We call on the public to refrain from these lists around social media. This is illegal and perpetuates the stigma around CoVid-19,” pahayag ng DOH.

“Our kababayans are already going through enough as it is. Let us not exacerbate their situations… CoVid-19 is not a death sentence and fear is more dangerous than the disease.”

Muli rin inihayag ng kagawaran na dapat tiyakin ng health authorities na mananatiling pribado ang personal na impormasyon ng mga pasyente, sang-ayon sa nakasaad sa Republic Act 11332 o ang Mandatory Reporting of Notifiable Diseases and Health Events of Public Health Concern Act.

Nakasaad sa joint memorandum na inilabas ng DOH at ng National Privacy Commission na tanging health-care providers, public health authorities, at kanilang awtorisadong tauhan ang papayagang magkaroon ng access sa personal na detalye ng CoVid-19 cases.

Giniit ng DOH, ang hindi pinahihintulutang access at ilegal na paglalabas ng personal na impormasyon ng mga CoVid-19 patients ay may kaakibat na parusa sa ilalim ng Republic Act 10173, o ang Data Privacy Act of 2012.

(CYNTHIA MARTIN)

About Cynthia Martin

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply