Thursday , March 28 2024

Iza, ibinando ang mga kamot sa tiyan

NAG-POST si Iza Calzado sa Instagram n’yang @missizacalzado kamakailan ng litrato n’yang naka-bikini siya at kita ang mga cellulite, stretch mark, at loose skin sa katawan at hita n’ya.

Naghahanda na ba siyang mag-quit sa showbiz at maging dakilang housewife at plain Mrs. Ben Wintle na lang?

O gusto na ba n’yang maging ang komedyanteng Pinay na may pinakamagandang mukha? Gusto na ba n’ya ng kakaibang career move?

Hindi ang implied na sagot n’ya sa mga tanong na ‘yan.

“Self-love journey” nga ang tawag n’ya sa ginawa n’yang paglalantad ng ‘di-kahanga-hanga n’yang katawan (na siyang dahilan kung bakit balot na balot siya kung humarap sa madla!)

At ang isang ibig sabihin ng “self-love” ay ang pagyakap sa lahat ng kakulangan niya (sa Ingles: embracing her flaws).

Deklara ng mahusay na aktres: “I no longer want to hide these [the flaws in her body] behind digitally distorted images because, truth be told, this reduces the pressure of trying to look perfect in every picture.”

In short, at sa Tagalog: magpapakatotoo na siya.

Natuwa naman ang ilan sa kapwa celebrity n’ya sa paglalantad ng ‘di-perpektong katawan.

Sumagot sa pahayag n’ya sina Isabelle Daza, Bela Padilla and Dani Barretto na ano mang diperensiya ng katawan n’ya, napakaganda pa rin n’ya.

Sina Ryan Agoncillo at Direk Antoinette Jadaone naman ay naglagay ng emojis bilang pagsang-ayon sa pasya n’yang ilantad ang imperfections ng katawan n’ya.

Pero idinagdag naman ni Iza na patuloy siyang gagamit ng “lighting, shadows, and angle” sa mga pictorial n’ya dahil hindi naman “digital distortion” ang paggamit ng mga ‘yon para magmukha siyang sexy.

Ano naman kaya ang masasabi ng mga artistang ipinapa-photoshop ang mga litrato nila para magmukhang perpekto ang bawat bahagi ng katawan nila? At sa totoo lang, madalas na deretsahang binubuko ng netizens ang pandaraya sa mga litratong ipino-post nila!

KITANG-KITA KO
ni Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *