Friday , March 29 2024

Dimples, Eula Valdez in the making

DOMINATED din pala ng Kapamilya Network ang afternoon block. Ang laki-laki na rin ng bilang ng sumusubaybay sa Kadenang Ginto na ang time slot ay kasunod ng It’s Showtime.

Sa tindi ng following ng show, hindi ito tinapos noong March.

Sa You Tube pa lang ay 8 million na ang subscribers ng Kadenang Ginto. Ipinakikita sa isa sa mga You Tube channels ng Kapamilya Network ang mga katatapos lang na episodes ng serye para sa mga pumalyang makapanood niyon o para sa mga gustong mapanood uli ang mga recent episode.

Nasa pangalawang season na ang serye at lutang na lutang ang pagiging kontrabidang-kontrabida ni Dimples Romana kay Beauty Gonzales. Akala ng madla noon ay mai-stock na si Dimples sa mababait na supporting roles, pero Eula Valdez in-the-making pala si Dimples sa pagiging sosyal na kontrabida. At sexy na rin ang mga outfit n’ya. Hindi na siya magandang losyang.

Actually, kabilang na rin sa matinding sinusubaybayan sa serye ang apat na kabataang artista na sina Andrea Brillantes, Francine Diaz, Kyle Echarri, at ang bagong-bagong miyembro ng cast na si Seth Fedelin na mula sa Pinoy Big Brother Otso. Gold Squad ang tawag sa kanila collectively. Hot na ‘yung tatlo, at malamang na makahabol si Seth sa kasikatan nila.

Nitong mga nakaraang araw lang ipinasok ang karakter ni Seth bilang Myko, at agad siyang nagpanggap na suitor ni Marga (Andrea) na kontrabida naman sa buhay ni Cassie (Francine) na anak ni Daniela (Beauty). Mukhang magugustuhan naman siya ni Marga na parang walang lalaking nagkakagusto dahil may kayabangan at may pagkapasiklab.

Palaban ang mga tauhan ng serye: may mga mapang-api na ‘di inuurungan ng mga inaapi. Ngipin sa ngipin sila sa paglaban.

Masalimuot ang mga buhay ng mga tauhan ng serye at ang asam namin ay malahukan ng ispiritualidad ang serye at ang buhay nila. Matuto sana silang makipag-ugnayan sa Diyos na nasa kalooban ng bawat tao para bumuti ang kalagayan nila sa buhay nang walang nililinlang at nilalamangan.

Kapuna-punang kahit na napakatindi at napaka-interesting ng mga palabas ngayon sa TV, sa pelikula, at sa entablado, halos lahat ng tauhan ay parang walang Diyos. Mabuti nga sa FPJ’s Ang Probinsyano, may nag-iisang karakter na nakikipag-ugnayan sa Diyos: ang kay Susan Roces bilang si Lola Kap. Madasalin pa rin siya. Nananalig pa rin sa kapangyarihan ng nag-iisang Diyos.

Ewan lang kung sa tunay na buhay ay ganoon na rin ang mga Pinoy kaya maraming dinaranas na kapahamakan: wala silang panahong makipag-ugnayan sa Diyos. Parang naging kaugalian na ng mga Pinoy na daanin sa yabang ang lahat at magpanggap na kaya nilang lutasin ang lahat ng hamon sa kanilang buhay sa sarili nilang kakayahan at ‘di umaasa sa kapangyarihan ng Diyos na nasa kanilang kalooban.

Maisip kaya ng mag-inang Daniela at Cassie na makipag-ugnayan sa Diyos para maligtas sila sa lahat ng mapangwasak na plano ni Romina sa kanila?

KITANG-KITA KO
ni Danny Vibas

 

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *