Friday , March 29 2024

Liza, may sagot sa mahaderang fan

NAKATIKIM ng taray ang isang mahaderang netizen mula sa basically ay sweet naman na si Liza Soberano.

Mahirap limiin kung fan o basher ng lead actress ng Alone/Together ang netizen na ‘yon. Kung fan siya, bakit ang taray naman n’yang magsermon sa girlfriend ni Enrique Gil. 

Napag-alaman ng netizen na nagbabakasyon sa Bali, Indonesia si Liza, kasama si Enrique, at isang nakababatang kapatid ni Liza. Double-celebration nila ‘yon para sa tagumpay sa takilya ng Alone/Together at ng birthday ni Enrique noong March 30. Nabatid ng netizen ‘yon mula sa mga litratong ipino-post ng aktres sa kanyang Instagram.

Nag-comment ang mahaderang netizen na: ”Vacation is over na. Hope you focus now on Darna. You badly need to go back to the gym and re-train for stunts, martial arts, etc. Sana makita ko ulit ang drive mo sa career mo. Nawawala ka sa focus.”

Ipinadala rin ng netizen ang comment n’yang ‘yon sa Star Magic, handler ni Liza na si Monch Novales. Parang hindi naman pinansin ‘yon ni Monch.

Si Liza ang deretsahang sumagot na: ”Who are you to tell me when vacation is over? 

My managers allowed me and so did my bosses. I’ve been working hard for my family since I was 12. I think I deserve the time I get off.”

Mataray ba ‘yon o prangka lang?

Para sa amin, prangka lang. ‘Di mataray.

Twenty-one years old na si Liza, kaya dapat lang din naman na marunong at walang-takot na siyang magsalita para sa kanyang sarili.

At dapat lang naman din na ilagay sa tamang lugar nila ang mga nagmamahaderang netizen para matututo silang rendahan ang mga matatalim na dila nila.

Samantala, parang matutuloy naman ang Darna ni Liza na nasimulan na n’ya noon sa direksiyon ni Erik Matti, na nagpasyang i-give up ang project. Pero ipinasa na ng Star Cinema ang project sa isang napakahusay din namang direktor: kay Jerrold Tarog, ang namahala sa naging sikat na sikat na historical films na Heneral Luna at Goyo: Batang Heneral.

Ayon sa Star Cinema, may mga ina-update pa si Direk Jerrold sa script ng Darna at nag-a-assemble na ng artistic and technical team n’ya.

Inia-announce rin ng ABS-CBN News website na ang Darna ay malamang na maging isa sa mga kauna-unahang project ng Star Cinema na isusyuting sa bagong soundstage facility ng ABS-CBN sa  San Jose del Monte City, Bulacan. Pang-Hollywood ang teknolohiya sa nasabing production facility.

KITANG-KITA KO
ni Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *