Sunday , February 25 2024
Aga Muhlach Trillanes GGV Vice Ganda Bea Alonzo
Aga Muhlach Trillanes GGV Vice Ganda Bea Alonzo

Pag-boykot sa pelikula ni Aga, ‘di umepek

KUNG sabihin nga nila, ”all is water under the bridge.” Sa kabila ng panawagan para i-boycott ang pelikula ni Aga Muhlach ng isang political group, kumita pa rin naman ang kanyang pelikula. Huwag na nating sabihing hindi umepekto ang paninira, dahil sa mga manonood ng pelikula ay nanaig pa rin ang kredibilidad ni Aga bilang isang actor.

Ano ba ang pakialam ng fans sa politika? Isa pa, hindi ba bilang mamamayan ay may karapatan din namang magbigay ng kanyang opinion si Aga? Bakit may monopolyo ba ang mga politiko sa freedom of expression na nasa konstitusyon naman ng Pilipinas? Bakit noong mahigit na dalawang taong iginigisa ni Senador Trillanes si dating VP Jejomar Binay, at ngayong dalawang taon na ring binabanatan ang presidente, walang pumigil sa kanya? Ngayon bang may lumabas na ibang opinion magagalit sila?

Wala namang masamang sinabi si Aga. Ang sinabi lang ni Aga, magkaisa na muna tayo para sa bayan. Lahat ay nagsasabing may krisis. Hindi ba dapat naman na kung may krisis magkaisa talaga ang lahat para mas madaling makakita ng solusyon? Kung gagamitin ang isang krisis para sa pansariling interest iyan ang masama. Bakit may monopolyo na rin ba sa pamumuno sa bansa?

Hindi ba iyan din naman ang ipinakikita ni Aga? May panahon sumama siya sa mga dilaw, eh tapos na iyon at nakikiisa siya sa opinion na dapat bawasan na muna ang pamumolitika at magtulong-tulong para makabawi ang bayan, hindi ba tama iyon?

Hindi rin namin alam kung anong lugaw ang nakain ng mga taong iyan, o mga naka-shabu ba kaya ganyan ang klase ng pangangatuwiran. Mabuti walang nakinig sa kanila. Iyong fans nanood pa rin ng pelikula ni Aga. Ano ba ang pakialam nila kung ano man ang kulay ng politika ng mga tao, basta nasiyahan sila sa panonood nila ng pelikula, manonood sila. Iyan namang nananawagan ng boycott sa pelikula ni Aga, talaga namang hindi nanonood ng sine ang mga iyan. Nagra-rally lang ang mga iyan, hindi iyan nanonood ng sine.

HATAWAN
ni Ed de Leon


Lea Salonga, malaking star pa rin

Lea Salonga, malaking star pa rin

About Ed de Leon

Check Also

Zara Lopez Reece Sapphire

Zara Lopez focus sa pagiging ina kina Reece at Sapphire,  tuloy pa rin as vlogger/influencer

ALAM MO NA!ni Nonie Nicasio MARAMI ang nagulat nang naghiwalay nang landas sina Zara Lopez …

Nadine Lustre

Nadine patok ang pa-two piece habang nakahiga sa kama

MATABILni John Fontanilla TRENDING sa social media ang larawang ipinost ni Nadine Lustre sa kanyang Instagram account. Isang black …

Lolit Solis Kathniel

Lolit pinayuhan KathNiel fans mag-move on kasabay ng kanilang mga idolo

MA at PAni Rommel Placente AWARE si Lolit Solis na hanggang ngayon ay hindi pa nakaka-move on …

Janice de Belen Snooky Serna Sharon Cuneta Gabby Concepcion

Janice kay Gabby—Wala akong galit, we’re friends; Sharon nag-sorry

MA at PAni Rommel Placente SA guesting ni Janice de Bellen sa YouTube channel ni Snooky Serna ay binalikan …

Take Me to Banaue Slay Zone After All

Sparkle artists hataw ngayong Pebrero

RATED Rni Rommel Gonzales SA big screen naman nagpapamalas ng galing sa pag-arte ang mga …

Leave a Reply

Your email address will not be published. Required fields are marked *