Sunday , May 19 2024

Tres Marias nina Sunshine at Cesar, ipinagbunyi ang desisyon ng korte

MEDYO kakatuwa iyong nakita naming video. Kinunan ng video ang reaksiyon ng mga anak nina Cesar Montano at Sunshine Cruz matapos na ilabas ang desisyon ng korte na nagbigay ng annulment sa kanilang naging kasal noong September 14, 2000. Inilabas iyon eksaktong 18 taon at apat na araw matapos ganapin ang isang “Christian wedding” ng dalawa.

Iyong mga anak nila, mukhang tuwang-tuwa pa sa naging desisyon ng korte. Sinasabi naming hindi karaniwan iyan, dahil ang karaniwan sa mga bata, gusto siyempre nila na buo ang kanilang pamilya. Kaya nga karaniwan, at maski sa mga teleserye, hinihiling ng mga anak sa naghiwalay nilang magulang na magsamang muli. Ayaw na naming itanong at masyado nang personal para alamin pa namin kung bakit masayang-masaya ang kanilang mga anak sa tuluyan nilang paghihiwalay.

Kung sa bagay, sa kaso ng annulment, kahit na iyan ay isang deklarasyon na walang kasal na naganap kahit nagkaroon ng seremonya, dahil sa iba’t ibang kadahilanan, iyong mga anak na isinilang sa isang annulled marriage ay hindi apektado. Nananatili silang lehitimo at legal na anak ng kanilang mga magulang dahil may “presumption of marriage” noong sila ay ipanganak. Pero kakatuwa talaga ang katuwaang nakita namin sa video na iyon niyong tatlong bata.

Hindi naman si Sunshine ang unang asawa ni Cesar. Ang una niyang asawa ay kinilalang si Marilyn Polinga, na namatay na noong 1993. Pero bago si Sunshine, naanakan ni Cesar ang aktres na si Teresa Loyzaga, at naging anak nga nila si Carlos Diego na artista na rin ngayon.

Pagkatapos naman ni Sunshine ay may sinasabing iba pang nakarelasyon si Cesar, kabilang na ang isang beauty queen at isang kinilalang Kath Angeles na kung kanino sinasabing mayroon na rin siyang mga anak. Pero walang inaamin si Cesar sa mga usapang iyon.

Siguro naman, sa desisyong iyan ng korte matatapos na ang usapan sina Cesar at Sunshine.

HATAWAN
ni Ed de Leon

About Ed de Leon

Check Also

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …

Lolit Solis

Bonggang birthday celeb ni Manay Lolit pinaghahandaan ng mga alaga

I-FLEXni Jun Nardo BONGGANG birthday celebration next week ang pinaghahandaan ng talents ni Manay Lolit Solis. …

Leave a Reply

Your email address will not be published. Required fields are marked *