HATAW! D'yaryo ng Bayan hatawtabloid.com
NAG-APOLOGIZE naman si Kris Aquino sa lahat ng parang nadamay sa ngitngit n’ya kay Korina Sanchez at sa Rated K dahil isinali nito si James Yap sa isang feature report n’ya sa show kamakailan.
Biglang parang diring-diri nga si Kris kay Korina dahil ni ayaw n’yang banggitin ang pangalan nito sa posting n’ya sa Instagram. ”Misis ni Mar Roxas” ang itinawag n’ya kay Korina na nagniningning ang kagandahan sa panahong ito dahil sa Thermage treatment n’ya sa klinika ng reyna ng retoke na si Dr. Vicki Belo.
Nagbabalik ABS-CBN pa lang si Kris matapos ang ilang taon ding pag-iitsapuwera sa kanya ng network na nagpasikat sa kanya nang husto.
Sa pamamagitan ng Star Cinema magaganap ang one-shot lang naman na balik-ABS-CBN involvement n’ya.
Wala naman sigurong mangangalampag sa Star Cinema na huwag na lang ituloy ang pagka-cast kay Kris sa I Love You, Hater dahil galit siya kay Korina. Kung pirmado na ang kontrata, ‘pag tinanggal nila si Kris, malamang na babayaran pa rin ng kompanya si Kris.
Sa ngayon, mukhang iniiwasan nga ng ABS-CBN na mag-isyu ng statement tungkol sa Rated K at sa ngitngit ni Kris.
(DANNY VIBAS)
