Monday , May 27 2024

Video Karera loteng atbp sa Pasay City

Dragon LadyMATITIGAS ang bungo at walang kinatatakutan sa kabila ng mahigpit na utos ni Pasay City Mayor Tony Calixto sa pulisya ng lungsod na suyurin at walisin ang lahat ng ilegal na pasugalan, sakop ng nabanggit na siyudad.

***

Nabatid na may bendisyon ng ilang tiwaling barangay chairman sa lungsod ang malaganap na ilegal na pasugalan na nagiging mitsa ng kawalang interes ng mga kabataan sa kanilang pag-aaral at ginugugol ang oras at panahon sa mga video karera at ang baon sa eskuwela ay ipinangsusugal.

***

Ito ngayon ang malaking problema ng mga magulang sa lungsod ng Pasay. Biglang nagsulputan ang mga ilegal na video karera sa bawat barangay na isang alyas “Jojo” umano ang promotor at dahil umano sa pakiusap ng ilang residente para pandagdag pangkain.

Napilitan silang maglagay ng mga video karera. Busog nga ang tiyan ng pamilya ng pinaglagyan g video karera gutom naman ang nararanasan ng mga nagugumon dito.

***

KAMAKAILAN, pagkatapos ng  isinagawang Flag Ceremony sa harap ng city hall ng Pasay, nagsalita si Mayor Tony Calixto na ayaw niya ng mga ilegal na sugalan sa kanyang sakop na lugar dahil ang mga senior citizen umano ang nangungunang tutol sa mga ilegal na pasugalan na ngayon ay rampant sa lungsod.

***

Hindi batid ng alkalde na sa mahigpit na direktiba nito sa pagsugpo sa mga ilegal na sugal ay mistulang bulag at bingi ang pulisya, kaya mahigpit niya itong mino-monitor kung may mga pulis na nakikinabang dito. Sakaling malaman ng alkalde dapat umanong itapon sa labas ng siyudad.

MGA KOLORUM NA TODA

Ang lungsod ng Pasay ang pinakamarami na yatang terminal ng traysikel, bawat kanto ay may nakapila, ngunit ligtas ang mga kolorum na walang seguridad ang mga pasahero dahil bulag ang ahensiyang nakasasakop dito. Ano ang ginagawa ng kaibigang Ace diyan sa Tricycle Regulatory Board at hinahayaan na bumalandra sa lansangan ang mga kolorum na traysikel?! Paano na ang kaligtasan ng mga pasahero? Kadalasan ang mga kolorum ay angkas pa ang maliliit na anak, habang naka-backride ang mga misis. Sakaling makaaksidente, uunahin ba ng kolorum na drayber ang pasahero? A ang kanyang misis at anak na nakaangkas na iligtas? Siyempre family first ‘di po ba?

ISUMBONG MO KAY DRAGON LADY – Amor Virata

About Amor Virata

Check Also

Dragon Lady Amor Virata

Hindi lahat ng huwes ay matino

Isumbong mokay DRAGON LADYni Amor Virata SA HALIP na magkaloob ng hustisya at protektahan ang …

Sipat Mat Vicencio

Tigas ng mukha ni Senator Bato

SIPATni Mat Vicencio “TO Bato dela Rosa, who stuck it out with me to the …

00 Onins Thought Niño Aclan Logo

Cyberlibel vs Tony Leachon ‘resulta’ ng iresponsableng  pahayag sa social media

ONIN’s THOUGHTSni Niño Aclan MAHIRAP talagang masanay na isang social media icon lalo na kung …

YANIG ni Bong Ramos

Former PDEA agent Jonathan Morales, walang masustansiyang sinabi sa Senate hearing, nuknukan ng sinungaling

YANIGni Bong Ramos WALANG NAPALA, walang nahita at walang nakuhang konkreto ang Senado sa mga …

FIRING LINE ni Robert B. Roque, Jr.

Day care centers para sa matatanda

FIRING LINEni Robert B. Roque, Jr. WALA sa kultura ng mga Filipino ang paglalagak sa …

Leave a Reply

Your email address will not be published. Required fields are marked *