Friday , March 29 2024

Sagabal sa sidewalk ipinagigiba ng QC gov’t

IPINAG-UTOS ng Quezon City Building Official ang pagwasak sa board up (bakod) sa sidewalk ng EDSA, Cubao malapit sa kanto ng Aurora Blvd., matapos kumitid at sumikip ang sidewalk dahilan para wala nang madaanan ang mga pedestrian sa naturang lugar.

Ito’y matapos atasan ni Engr. Isagani Verzosa Jr., hepe ng QC Department of Building Official si Atty. Freddie Lilagan, hepe ng Investigation and Adjudication Division ng Building Official ang pagwasak sa naturang board up na itinayo sa gitna ng sidewalk sa EDSA, Cubao kanto ng Aurora Blvd., Brgy. San Martin De Porres, QC.

Nabatid sa kautusan ni Verzosa Jr., bukod sa pag-alis sa naturang board up (bakod) ipinalilinis din kay Lilagan sa lalong madaling panahon ang sidewalk sa mga estruktura na nakasasagabal sa maayos na daanan ng mga pedestrian sa naturang sidewalk.

Nauna rito, inirereklamo ng mga residente sa Cubao at pedestrian na bukod sa illegal vendors na problema sa sidewalk ng EDSA, Cubao problema rin ng mga dumaraan sa lugar ang itinayong board up (bakod) ng isang ginagawang gusali sa sidewalk na nagpasikip sa sidewalk.

Ayon sa ulat, iniutos ni Verzosa nitong Hunyo 2, 2016 sa hepe ng Investigation and Adjudication Division na si Lilagan ang pagpapagiba sa naturang board up (bakod).

Magugunitang binatikos ng mga residente ng Cubao at pedestrian na nagdaraan sa sidewalk ng EDSA ang Metro Manila Development Authority  (MMDA), Department of Public Order and Safety (DPOS) ng Quezon City government at QC Building Official dahil sa kabiguan na malinis ang illegal vendors sa lugar at ang board up (bakod).

Bunsod ng naturang kautusan ng Quezon City Building Official inaasahan ng mga residente at pedestrian na dumaraan sa naturang sidewalk na luluwag na ang kanilang daanan.

 

About Hataw News Team

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *