Tuesday , January 31 2023

Kid’s magic lalong lumakas (Peña angat sa house-to-house survey 67% kontra 22% ni Abby Binay)

MAS lalong lumakas ang tinatawag na ‘KID’s Magic’ sa Lungsod ng Makati makaraang magposte ng 67% si incumbent mayor Kid Peña laban sa katunggaling si Abby Binay na may 22% lang sa pinakahuling survey na kinomisyon ng business sector organization at cause oriented groups sa siyudad.

Sa naturang survey, lumabas na mayroon pang 11% ang undecided, ngunit kahit makuha pa ito ng dalawang kalaban, tiyak na ang landslide victory ni Peña at siya ang nakikita ng mga residenteng angkop na mamamahala sa lungsod sa susunod na tatlong taon.

Isinagawa ang survey mula Abril 7-17. Sa nasabing survey na sumuri sa 8,489 residente ng lungsod, 67 percent (5,678) ang pumili kay Peña samantala 22 percent (1,892) lamang ang pumili sa kanyang katunggali na si Congresswoman Abigail Binay.

Nagpasalamat si Mayor Peña sa mga taga-Makati sa kanilang patuloy na pagtitiwala at pagsuporta sa kanyang pamamahala at sa kanyang kakayahan na ibigay ang serbisyo para sa mga mamamayan.

“Ako ay nagagalak sa resulta ng pinakabagong survey sa Makati na ako po ay nanguna ng 45 percent sa aking kalaban,” dagdag ni Peña.

“Kung ako po ay inyong ihahalal sa posisyon, makasisiguro po kayo ng mas maganda at maayos na benepisyo at serbisyo para sa lahat.”

Ipinakita ng survey na tumaas ang bilang ng mga botante (67 percent) na pabor kay Peña ngayon kung ihahambing noong eleksiyon 2013 na nakakuha siya ng 48.10 percent ng boto.

Ayon kay Peña, sa kanyang 10 buwan pamamalagi bilang alkalde ng lungsod mas marami siyang naibigay na serbisyo at benepisyo sa mga residente ng Makati at empleyado ng City Hall. Itinulak niya ang “transparent and good governance” sa pamamagitan ng pagbubukas ng bidding sa publiko kabilang na ang media.

Ang senior citizens sa lungsod ay hindi na kailangan pumila nang mahaba sa health centers at botika dahil may isang medical team na bumibisita sa kanila para sa kanilang check-up at para maghatid ng mga gamot.

Pinapahalagahan ni Mayor Peña ang ibang sektor ng lipunan upang ang kanilang mga pangangailangan ay matugunan at malinang din ang kanilang kakahayan.

Kamakailan, sa Flores de Mayo ay binigyang pansin ang mga batang may kapansanan na nagsilbing mga reyna at escort sa sagala.

Bukod rito, ipinagkaloob ni Mayor Peña ang “regular” na status sa mga empleyado ng lungsod na mahigit 20 taon nang naninilbihan sa Makati.

Nangangako ang punong lungsod na magbibigay siya nang mas maraming pinabuting benepisyo sa kalusugan at medical para sa mga residente na magdaragdag sa natatamasa nilang benepisyo sa kasalukuyan.

Sinisiguro ni Peña na buburahin niya ang kultura ng paghihiganti na ang mga hindi kapanalig ay kinukutya, pinahihirapan at pinagkakaitan ng serbisyong panlipunan.

“Hinihimok ko ang mga taga-Makati na bumoto nang maayos sa May 9 at isipin ang ikabubuti ng lungsod at ng mga tao rito,” dagdag ni Peña.

About Hataw News Team

Check Also

Scam fraud Money

Sa takot sa asawa na malamang na-scam
GINANG NAGTANGKANG MAGPATIWAKAL

NAGTANGKANG magpatiwakal ang 32-anyos na ginang sa pamamagitan nang pagtalon sa isang footbridge dahil umano …

shabu drug arrest

Nag-aabutan ng shabu sa Vale
2 TULAK, HULI SA AKTO

BAGSAK sa kulungan ang dalawang hinihinalang drug personalities matapos maaktuhan ng mga pulis na nag-aabutan …

marijuana

Drug group member, kasabwat nabingwit sa drug bust

KULONG  na  ang dalawang tulak ng droga, kabilang ang isang miyembro ng “Zaragosa drug group” …

prison rape

Most wanted sa Vale
KELOT, HOYO SA KASONG STATUTORY RAPE

HULI ang isang 18 anyos na kelot na listed bilang most wanted sa kasong statutory …

cyber libel Computer Posas Court

Sex offenders database itinutulak ng senador

ITINUTULAK ni Senador Jinggoy Ejercito Estrada ang pagtatatag ng isang pambansang database ng mga sex …

Leave a Reply