Tuesday , November 29 2022

Guardians kay SGF Chiz (Sa huling patak ng dugo)

SA malinaw na plataporma sa pagtakbo sa ikalawang-puwestong halal ng bansa, inendoso nitong Biyernes ng Makabansang Unifikasyon ng Guardians, Inc. (MUG) ang kandidatura ng isa nilang Supremo, ang independent vice presidential candidate na si Sen. Francis “SGF Chiz” Escudero.

“Para sa aming hanay, si Escudero ang naghayag g malinaw na plano kontra kahirapan at ang kanyang pagbibigay-lundo sa ‘walang maiiwan sa kapatiran’ ay nakabatay sa hangarin ng bawat isa naming miyembro at sa pangunahing layunin ng Guardians Brotherhood,” ayon kay Alex “CNF APQ” Quillope, Chairman of the Board of Governor ng MUG.

Bilang kinatawan ng MUG at tagapagpasunod ng naturang samahan, sinabi ni Quillope, kilalang MUG-NC-APQ, siya ay nananawagan, “sa lahat ng mga kapatid na Guardians sa buong mundo na makiisa, sumali at sumuporta sa kandidatura ng ating mahal na Supremo at kapatid na Chiz Escudero hanggang sa huling patak ng Dugo ng Guardians.”

“Di lamang bilang isang sagradong gawain para sa isang kapatid at para sa ikabubuti ng kapatiran kundi, mas mahalaga, bilang isang mabuting mamamayan para sa ikabubuti ng buong bayan” dagdag ni Quillope.

Bukod sa nabanggit na katangian, sinabi ni Quillope, ang Guardians ay “ikinalulugod at humahanga” sa track record ni Escudero bilang mambabatas, maging sa kanyang “matapang na adbokasiya” laban sa katiwalian at “paggigiit sa legal na paraan laban sa krimen at terorismo.”

“Malinaw sa amin na si Senador SGF Chiz ay handang gampanan ang tungkulin bilang pangalawang pangulo, hindi dahil may pinakamagandang kuwalipikasyon kundi siya ay may nagawa na, kitang-kita at subok na kaya niyang manindigan, lalo para sa mga inaapi, at mahihirap, katulad ng marami naming mga kapatid sa Guardians,” paliwanag ni Quillope.

Ang MUG ay itinala sa rehistro ng Securities and Exchange Commission noong 2010, at nagsisilbing umbrella organization ng lahat ng miyembro ng Guardians sa Metro Manila na umabot sa 11 milyon.

May mga rehistradong miyembro sa maraming bahagi ng mundo.

Bilang tugon sa endoso, pinasalamatan ni Escudero ang MUG sa kanilang pakikisa sa adbokasiya ng pagtutugon sa ugat ng kahirapan sa bansa.

“Ako po ay lubos at taos-pusong nagpapasalamat kay Chairman Alex, sa mga miyembro ng kapatiran at Board of Governors ng MUG, sa iba’t ibang branches ng Guardians, sa ating Supreme Adviser na si General Sonny Razon, Jr., at sa lahat ng mga kapatid na Guardians sa buong mundo sa inyong malakas na suporta, paniniwala at pakikiisa sa aming adhikain na labanan ang kahirapan mula sa ugat nito at walang maiiwang Filipino sa aming administrasyon,” ayon sa Bicolanong Senador.

About Hataw News Team

Check Also

Bongbong Marcos face mask

Sa FM Jr., admin
PH NASA TAMANG DIREKSIYON — OCTA SURVEY

 MAYORYA ng mga Pinoy ay naniniwala na ang bansa ay patungo sa tamang direksiyon sa …

fire dead

67-anyos Lolo patay nang mabagok habang lumilikas sa sunog

ISANG 67-anyos lolo ang patay nang mabagok habang lumilikas nang masunog ang ilang tahanan sa …

duterte gun

DOH isali sa gov’t anti-drug campaign
HUSTISYA SA BIKTIMA NG EJKs SA DUTERTE DRUG WAR ISINUSULONG

HINDI dapat kalimutang bigyan ng hustisya ang libo-libong biktima ng patayan sa madugong drug war …

112922 Hataw Frontpage

 ‘Intel funds’ sa civilian agencies nais putulin ng Senador

IGINIIT ni Senate Deputy Minority Leader Risa Hontiveros ang posibilidad na amyendahan ang Administrative Code …

shabu

 ‘Shabu’ pinalitan ng tawas tulak patay sa boga ng ‘suki’

ISANG hinihinalang kawatan at tulak ng ilegal na droga ang binaril at namatay sa katanghaliang …

Leave a Reply