Friday , March 29 2024

Pili Pinas 2016  Presidential Debate ng ABS-CBN, pumalo sa 40.6% na national tv rating (Pinakapinanood na Pili Pinas presidential debate!)

INABANGAN at tinutukan ng maraming Filipino sa buong              bansa ang huling paghaharap ng limang presidential candidates sa Presidential Town Hall Debate ng ABS-CBN noong Linggo (Abril 24), na pumalo sa national TV rating na 40.6%, base sa datos ng Kantar Media. Ito ang pinakatinutukang paghaharap ng mga kandidato sa Pili Pinas 2016 presidential debate series ng Commission on Elections.

Wagi ang ABS-CBN debate na ginanap sa Phinma University of Pangasinan laban sa mga katapat nitong programa, kabilang na ang 24 Oras Weekend (11.5%), Vampire Ang Daddy Ko (13.5%), Ismol Family (16.4%), at 2018 Oppo PBA Commissioner’s Cup (3.9%).

Panalo rin ito ng halow 17 puntos laban sa unang presidential debate ng GMA noong Pebrero 21, na nakakuha lamang ng 23.8%, pati na sa pangalawang presidential debate ng TV5 noong Marso 20, na nagtala lamang ng 8.5%.

Sa ABS-CBN Presidential Town Hall Debate na pinangunahan nina Karen Davila at Tony Velasquez, hinarap nina Vice President Jejomar Binay, Sen. Miriam Defensor Santiago, Davao City Mayor Rodrigo Duterte, Sen. Grace Poe, at dating Department of Interior and Local Government Secretary Mar Roxas ang mga tanong ng bayan tungkol sa kanilang plataporma at mga paninindigan sa mga mahahalagang isyu sa lipunan.

Talaga namang pinag-usapan din ang debate online dahil nanguna sa buong bansa at buong mundo ang official hashtag na #PilipinasDebates2016 sa listahan ng trending topics sa Twitter.

Bumuhos din ang mga papuri sa ABS-CBN para sa format ng debate nito.

Ayon sa political analyst na si þ@NicoleCurato sa Twitter, “Congrats @ABSCBNNews for hosting a fantastic #PiliPinasDebates2016. The vignettes were very good counterpoint to platitudes & promises.”

Pahayag naman ni @CrisostomoJake, “The questions asked were highly intellectual. Congrats ABS for a great discussion of issues.”

Nag-post din si @DJBDavy ng “I have never been this active on Twitter. The last Presidential Debate is worth watching!”

Para naman kina @JewelsHRH at þ@maltiq, “The best debate so far. Congrats to ABSCBN. Great choice of Karen Davila and Tony Velasquez for moderators” at “Congrats to @ABSCBN! Your debate format tops! The Qs were spot on! Way to go for real issues!”

Ang Presidential Town Hall Debate ay inorganisa ng COMELEC, KBP, ABS-CBN, at Manila Bulletin. Napanood ito ng mga Filipino sa iba’t ibang media platform—ABS-CBN sa free TV, ANC, the ABS-CBN News Channel Ch. 27 sa cable TV, DZMM TeleRadyo sa digital television (ABS-CBN TVplus) at SKYcable ch. 26, DZMM 630 sa AM radio, ABS-CBNmobile sa cellphones, at sa pamamagitan ng livestreaming sa news.abs-cbn.com, mb.com.ph at iwantv.com.ph.

About Hataw News Team

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *