Wednesday , December 7 2022

Duterte: Ako dapat mauna sa babaeng nireyp

BUMUHOS ang galit ng mga tao sa isang viral video na nagtatalumpati si Davao City Mayor Rodrigo Duterte, at ikinukuwento ang isang pagkakataong pinagalitan daw niya ang isang grupo ng kalalakihang nanggahasa sa isang Australianang misyonaryo.

Nakita raw ni Duterte na may kamukhang artista sa Hollywood. Sa video, sinabi ni Duterte na: “pu*****na, sayang,” habang nagtatawanan ang mga tao sa audience. “Ang nagpasok sa isip ko, ni-rape nila, pinagpilahan nila dun,” kuwento nito. “Nagalit ako kasi ni-rape? Oo. Isa rin ‘yun. Pero napakaganda. Dapat, ang mayor muna ang nauna. Sayang,” dagdag ni Duterte.

Sa puntong ito ay naputol na ang video ngunit bahagi ito ng isa pang mas mahabang video na mga supporter mismo ni Duterte ang naglagay sa Facebook. Libo na ang mga komentong dumagsa sa iba’t ibang post sa social media. “Walang matinong tao ang nagbibiro tungkol sa rape, tungkol sa nilapastangan at ginahasang babae. Can you imagine ‘yung nanay mo, kapatid mo, anak mo, asawa mo, girlfriend mo…ma-rape at may masabi na dapat siya ang naunang gumahasa, matutuwa ka ba?” bulalas ng isang Fernando R.

“Ang rape ay hindi nakakatawa. ‘Yung kinahinatnan ng biktima ay hindi nakakatawa, kahit ano pang palusot mo rito,” sabi ng isang nagngangalang Donna. Hindi lamang mga netizen ang naghimagsik sa bagong patutsada ni Duterte para sa kanyang kampanya.

Pumalag din sa mga pahayag ni Duterte si Liberal Party standard bearer Mar Roxas, na tinawag na “kahayupan” ang mga naging salita ni Duterte. “Seryosong problema ang rape,” bungad ni Roxas.

Hindi umano dapat ginagawang katatawanan ang isang insulto sa dignidad ng kababaihan. “Ang babae ay may karapatan, hindi pinaglalaruan. Hindi katatawanan, kahayupan ito,” sabi ni Roxas.

About Hataw News Team

Check Also

knife saksak

Pera pinagtalunan ng mag-asawa
BABAE KRITIKAL, MISTER PATAY SA SARILING SAKSAK

HINDI nakaligtas sa kamatayan ang isang lalaki matapos saksakin ang sarili habang sugatan ang kinakasama …

Covid-19

Sa Cagayan
154 ESTUDYANTE, GURO MAY SINTOMAS NG COVID-19 F2F CLASSES SUSPENDIDO

PANSAMANTALANG ipinassuspende ni Mayor Samuel Siddayao ng bayan ng Gattaran, sa lalawigan ng Cagayan, ang …

Riding-in-tandem

Sa San Rafael, Bulacan
1 PATAY, 1 SUGATAN SA RIDING-IN-TANDEM

DEAD ON-THE SPOT ang isang lalaking sakay ng motorsiklo habang sugatan ang kanyang angkas matapos …

Rodolfo Azurin Jr Sofronio Capitle Jr PNP

Labi ng pinaslang na pulis-Pampanga dinalaw at ginawaran ng pagpupugay

BINISITA at binigyang-pugay ni Philippine National Police (PNP) chief P/Gen. Rodolfo Azurin, Jr., ang pulis …

MMDA, NCR, Metro Manila

MMDA clearing ops umarangakada na

MAHIGIT 30 sasakyan ang nahuli sa isinagawang clearing operation ng Metropolitan Manila Development Authority (MMDA) …

Leave a Reply