St. Benedict Medallion iniregalo ng ‘sekyu’ para proteksiyon

PINAGKALOOBAN si vice pre-sidential candidate Senator Ferdinand “Bongbong” R. Marcos Jr. ng medalyon ni St. Benedict of Nursia ng isang security detail bago ang Commission on Elections-sponsored vice presidential  PiliPinas Debates 2016 sa University of Santo Tomas sa Manila nitong Linggo.

Bago pumasok si Marcos sa holding room ng UST, iniabot sa kanya ng security officer na si James Simon ang medalyon bilang proteksiyon laban sa mga atake sa kanya.

Bagama’t nagulat, nagpasalamat si Marcos kay Simon at nagpaabot ng kanyang pa-ngungumusta sa pamilya ng security officer. Nakitang ibinulsa ni Marcos ang nasabing medalyon na pinaniniwalaang nagbigay sa kanya ng proteksiyon.