Monday , April 22 2024

Kapatiran solido – INC        

“PAGPAPALAGANAP ng pamamahayag, pagsasakatuparan sa aming misyon sa pamamagitan ng mas malaking Iglesia at mas mabuting paglilingkod, ito ang direksyon na piniling tahakin ng Iglesia ni Cristo (INC) upang tugunan ang negatibong litanya ng mga kritiko at dating mga miyembro,” paliwanag ni INC spokesperson Edwil Zabala.

“Hindi ho kami manhid. Minsan ay apektado rin kami ng sunod-sunod na negatibong balita laban sa amin,” pag-amin ni Zabala.

Ngunit agad niyang nilinaw na “mas nanaisin ng INC na maghasik ng punla ng paglago at maglingap sa mas maraming tao sa paraan ng aktwal na paglilingkod.”

Ibinalita ni Zabala na magbubukas ang Iglesia ng mas maraming kapilya sa buong mundo bilang karagdagan sa limang inihandog kamakailan sa North America ngayong taon.

Nakatakda rin umanong ihandog ng INC ang sampung kapilya sa US, dalawa sa United Kingdom, dalawa sa South Africa at dalawa sa Japan sa susunod na ilang buwan.

“Upang tugunan ang pangangailangan sa paglilingkod ng mga bagong kapilyang ito, nasa 7,000 ang aming ministerial students ngayon sa buong mundo na inihahanda ng INC sa buhay-paglilingkod.”

Dagdag ni Zabala, sa ilalim ng pangangasiwa ni Executive Minister Eduardo V. Manalo isang bagong-patayong gusali ng New Era General Hospital sa Quezon City ang nakahandang tumugon sa pangangailangang medikal ng publiko.

Ang bagong pasilidad na may apat na palapag ay may 139 hospital beds at nakadisenyo upang paglingkuran ang mga pasyenteng maralita.

“Kung ang iba’y nagnanais na kami’y paghiwahiwalayin at wasakin, kami ay magkakaisa at magsisilbing mabuting halimbawa. Kapag ang mga kritiko ay maglunsad ng mapanirang krusada, itinatayo namin ang isa’t isa at mga kapilya. Kami ay nagsisikap na isabuhay ang utos na mahalin ang Diyos nang buong puso, buong kaluluwa, buong lakas,” paliwanag ni Zabala.

“Hindi namin gawain ang tumugon sa kasamaan ng isa pang mali. Aming pinagsisikapan na manatiling mabuti, at matatag kaming nagkakaisa para sa pangasiwaan ni Executive Minister Edurardo V. Manalo,” bigay-diin ng tagapagsalita ng Iglesia.

About Hataw News Team

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Leave a Reply

Your email address will not be published. Required fields are marked *