Sunday , April 21 2024

Netizens desmayado kay Poe

PATULOY na umaani ng batikos si Senador Grace Poe mula nang sabihin na bukas siya na ilibing ang diktador at promotor ng Martial Law na si Ferdinand Marcos sa Libingan ng mga Bayani.

Ayon sa Amnesty International, 70,000 kaso ng pang-aabuso sa karapatang pantao ang dokumentado sa ilalim ng Martial Law, na mga sundalo at Metrocom ang naging instrumento ng yumaong diktador.

Halos 30,000 kaso ng torture ang nailathala umano laban sa mga sinasabing kalaban ng estado noon.

Maraming netizens ang nagpahayag ng pagkadesmaya sa posisyon ni Poe, na tumatakbong pangulo.

“Balewala ang prinsipyo makakuha lang ng boto,” sulat ni Erik Gatmaitan sa Facebook.

Sumang-ayon naman ang isang Gil Pangilinan sa komento ni Gatmaitan, at sinabing “Gusto niyang makuha ang boto sa Norte, ganyan karumi ang politiko sa atin. Booo!” kantiyaw nito.

Dumating ang pahayag ni Poe matapos ang pagdiriwang ng ika-30 anibersaryo ng EDSA People Power Revolution, na mapayapang napatalsik ng milyon-milyong Filipino ang diktador at kanyang pamilya.

Sa buong mundo ay naging modelo ng mapayapang rebolusyon ang People Power at hinangaan kahit ng mga banyaga.

Ayon sa isang Marlene de Leon, hindi na niya iboboto si Poe. “Ayaw ko na sa kanya. Una, kumampi sa Iglesia Ni Cristo kahit Filipino rin ang naabala noong nag-rally sila sa EDSA. Ngayon naman, kampi sa mga Marcos. Pag malaki ba talaga, kinakampihan niya? Akala ko ba Gobyernong Galing at Puso, ‘yun pala para sa malalaking tao lang?”

Tila napunta sa panic mode ang kampo ni Poe sa mga naging reaksiyon ng maraming botante dahil sinubukan kumabig at sinabing hayaan daw ang korte ang magpasya sa isyu.

Hindi bumenta ang naging palusot ng kampo ni Poe dahil dumating ito matapos magkaroon ng negatibong reaksiyon sa mga pahayag ni Poe.

About Hataw News Team

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Leave a Reply

Your email address will not be published. Required fields are marked *