Wednesday , August 10 2022

P180-M shabu nasabat 2 Tsinoy arestado

011316 FRONTNASABAT ng mga tauhan ng Philippine Drug Enforcement Agency (PDEA) at Philippine National Police Anti-Illegal Drug Group (PNP-AIDG) ang aabot sa P180 milyong halaga ng shabu sa buy-bust operation sa Valenzuela City, nitong Martes.

Arestado ang dalawang Filipino Chinese na kinilalang sina Sonny Ang, 67, mula sa La Trinidad, Benguet, at Benito Tuseco, 47, mula sa San Pablo, Laguna.

Ayon kay PDEA-Public Information Office OIC Glenn Mapalad, nasamsam nila mula sa mga suspek ang 36 kilo ng shabu.

Ang pagkakaaresto ng dalawa ang dahilan upang matunton ng mga operatiba ang isang bodega na pinaglalagakan ng shabu.

Nakita rito ang 12 milling machines na pinagtataguan ng mga droga.

“Malalaki ang mga makina na nakabalot pa sa cellophane plastic, at nakabalot pa sa crates.”

Dagdag niya, posibleng imported ang mga makina.

Patuloy ang imbestigasyon ng mga awtoridad upang mabatid kung saang grupo kaanib ang mga arestado, ngunit ani Mapalad, sa isang malaking sindikato nauugnay ang mga suspek.

Guro, asawa anak arestado sa P2-M shabu

CEBU CITY – Arestado ang isang guro gayondin ang asawa’t anak niya sa isinagawang drug raid ng Provincial Intelligence Branch (PIB) ng Cebu Provincial Police Office (CPPO) sa Brgy. Campo, bayan ng San Francisco, isla ng Camotes, Cebu, kamakalawa ng gabi.

Sa bisa ng search warrant na ipinalabas ni Danao RTC Judge Jerry Dicdican, sinalakay ng mga awtoridad ang bahay ng gurong si Maria Jocelyn Arquillano, 52, nagtuturo sa Consuelo National High School, mister niyang si Diosdado Arquillano, 54, at anak na si Richard Arquillano, 28, pawang mga residente ng nasabing lugar, makaraan ang dalawang linggong surveillance.

Una nito, matagal nang nagrereklamo ang mga residente ukol sa pagkalat ng droga sa lugar at mismong ang barangay kapitan pa ang lumapit sa pulisya ngunit wala anilang ginawang aksiyon ang mga awtoridad.

Umaabot sa 177 grams ng shabu na nagkakahalaga ng P2.88 milyon ang kabuuang nakompiska ng mga awtoridad mula sa mga suspek.

Bukod dito, nakompiska rin ng mga pulis ang dalawang KG9 at 45 caliber pistol.

Inihahanda na ang kasong isasampa laban sa mga suspek.

Almar Danguilan / Ric Roldan

About Hataw News Team

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Leave a Reply