PNP nagpatupad ng balasahan, 740 personnel apektado

NAGSIMULA nang magpatupad ng pagbalasa ang pamumuan ng PNP sa ilang mga matataas na opisyal nito ngayong opisyal nang nagsimula ang election period.

Ayon kay PNP spokesman Chief Supt. Wilben Mayor, hanggang kahapon, nasa 740 pulis na ang na-reassigned sa iba’t ibang mga posisyon.

Sa bilang na ito, 25 ang police directors, siyam ang city directors, 27 ang police safety force commanders, at 147 ang chief of police.

Sinabi ni Mayor, ang hakbang na ito ay sariling inisyatibo ng pamunuan ng pambansang pulisya upang maiwasan na magamit ang kanilang mga tauhan ng kandidato sa darating na halalan.

Pagtitiyak ni Mayor, temporary lamang ang paglipat sa bagong assignment dahil maaaring makabalik pa sa dati nilang posisyon ang mga natanggal na opisyal sa oras na tapos na ang eleksyon at kung hindi pa nakakadalawang taon sa kanyang destino ang na-reshuffle na opisyal.