Comelec humabol sa deadline ng comment sa Poe DQ cases

HUMABOL sa deadline ng filing ng comment ang Comelec sa Supreme Court (SC) kahapon ukol sa disqualification cases ni Sen. Grace Poe.

Ito’y sa kabila ng kawalan ng abogado ng poll body na dedepensa sa kanilang panig, makaraang umatras ang Office of the Solicitor General (OSG) dahil kinakatawan na nila ang Senate Electoral Tribunal (SET) na may posisyong pabor sa citizenship ng senadora.

Matatandaang umapela pa ang poll body sa korte na bigyan sila ng karagdagang limang araw para makapagbigay ng tugon sa petisyon ng kampo ni Poe.

Nitong umaga ay si Comelec Comm. Rowena Guanzon ang nagsumite ng 73 pahinang sagot ng komisyon.