Ampon na 9-anyos nagbigti (Binantaang isasauli sa magulang)

ILOILO CITY – Nagbigti ang isang 9-anyos batang lalaki makaraang bantaan ng ginang na umampon sa kanya na ibabalik sa kanyang tunay na mga magulang makaraang nakawin ang cellphone ng kanilang kapitbahay kamakalawa.

Kinilala ang biktimang si Joseph Jimenez, Grade 3 pupil sa Dacutan Elementary School, Dacutan, Dumangas, Iloilo, natagpuang nakabigti sa labas ng comfort room ng kanilang bahay.

Sa ulat ng Dumangas Municipal Police Station, pinagalitan ni Anielyn Jimenez ang kanyang ampon nang matuklasang nagnakaw ng cellphone sa kanilang kapitbahay.

Binalaan ng ginang ang bata na ibabalik sa kanyang tunay na mga magulang sa lalawigan ng Guimaras.

Ngunit makaraang mag-igib ng tubig sa balon, nagulat ang ina nang madatnan ang kanyang adopted child sa kanilang bahay na nakabigti sa labas ng kanilang comfort room gamit ang nylon cord.