Wednesday , December 8 2021

Fireworks Display Susungkitin Ng PH (Tatlong world records sisirain)

1228 FRONTBAGONG world record sa bagong taon.

Malaking fireworks display na ikamamangha ng mga manonood sa pagsalubong ng bansa sa Bagong Taon ang babasag sa tatlong records sa mundo na kasalukuyang nakatala sa Guinness Book of World Records.

Ang nasabing fireworks display ay isasagawa sa Ciudad de Victoria na kinaroroonan ng pamosong Philippine Arena bilang bahagi ng taunang aktibidad na isinasagawa sa loob ng dalawang magkakasunod na gabi upang salubungin ang Bagong Taon.

Itatampok ang concert nina Arnel Pineda at Apl.De.Ap sa Great Stars at the Philippine Arena at sasamahan ng konsiyerto ng malalaking talento sa Philippine Stadium.

Darating sa nasabing selebrasyon, ayon sa mga organizer, ang mga kinatawan ng Guinness upang kompirmahin at saksihan ang pagsungkit ng bansa sa mga sumusunod na world records sa kasalukuyan: “Largest fireworks display,” “Longest line of sparklers lit in relay,” at ang “Most sparklers lit simultaneously.”

Bukas sa publiko ang nasabing selebrasyon na mag-uumpisa sa Disyembre 30. 

Ayon kay Atty. GP Santos, chief operating officer (COO) ng Maligaya Development Corporation, mamamangha ang mga dadalo sa pambihirang pangyayaring  ito.

“Bukod sa pagnanais na manalo ng mga bagong pagkilala para sa ating bansa, nais din nating bigyan ang ating mga kababayan ng pagkakataong makibahagi sa ibang klaseng pagdiriwang sa darating na Bagong Taon – kaiba ito sa pagsisindi ng paputok at pagpapaputok ng baril ng ilan, na kadalasang sanhi ng sakuna at minsan’y nauuwi sa kamatayan,” paliwanag ng abogado.

“Sa ganitong paraan ng mga selebrasyon, hindi lamang natin gagawing mas ligtas para sa ating mga kababayan ang ating pagdiriwang tuwing Bagong Taon  — gagawin din natin silang kabahagi sa pag-ukit sa bago nating kasaysayan,” ayon kay Santos.

Dagdag sa fireworks display at mga concert, matutuwa umano ang mga dadalong pamilya sa iba pang mga atraksiyon sa Ciudad de Victoria gaya ng mini-zoo, carnival rides, mga inflatable craft, amusement games, magic shows, laser lights, kite festival, mga mascot, parada at bazaar na nandoon.

About Hataw News Team

Check Also

Sunshine Cruz

Sunshine ‘di tumatanda — Wala kasi akong problema

HATAWANni Ed de Leon HINDI na yata tumatanda si Sunshine Cruz? Aba kung titingnan mo ang kanyang picture …

Elmo San Diego QC DPOS Quezon City

Kaligtasan, kalusugan ng lahat ang una sa QC — DPOS official

NAKATAKDANG magpulong ngayong Lunes ang pamunuan ng lokal na pamahalaan ng Quezon City at mga …

Barbie Imperial, Diego Loyzaga, AJ Raval

Diego iginiit wala silang dapat ipaliwanag ni Barbie

SHOWBIZ KONEKni Maricris Valdez Nicasio TINAPOS na ni Diego Loyzaga ang usapin patungkol sa kanyang girlfriend na …

Sa Pasig
3 GINANG, 1 PA TIKLO SA DROGA

KALABOSO ang tatlong ginang at isang lalaki nang bentahan ng ilegal na droga ang tauhan …

Lolo, ginang, isa pa, nalambat sa buy bust

HULI ang tatlong tulak na hinihinalang drug personalities, kabilang ang isang lolo at ginang matapos …

Leave a Reply