Wednesday , August 10 2022

P100-M shabu nakompiska sa 2 courier

DALAWANG miyembro ng international drug syndicate ang bumagsak sa kamay ng Philippine Drug Enforcement Agency (PDEA) at Philippine National Police (PNP) makaraang makompiskahan ng P100 milyon halaga ng ilegal na droga sa magkahiwalay na buy–bust operation sa Metro Manila, iniulat kahapon.

Base sa report ni PDEA Director General Undersecretary Arturo G. Cacdac Jr., kinilala ang arestadong mga suspek na si Reyniel Diaz Makahidhid, 24, ng Purok 1 Barobo, Surigao Del Sur, at ang Chinese National na si Chin Chiu Chien Chun, pansamantalang naninirahan sa Pasay City.

Si Mahidhid ay nasukol dakong 2 p.m. nitong Disyembre 13, 2015 sa parking lot ng isang mall sa FTI Taguig City, ng mga operatiba ng  PDEA Special Enforcement Service (PDEA-SES) sa pamumuno ni Director Ismael Fajardo, Jr., at PNP-Special Operations Unit-3 Anti-Illegal Drugs Group (AIDG).

Nakuha mula sa silver Nissan ni Mahidhid ang 9 kilo ng shabu na nagkakahalaga ng P45 milyon, 1 mobile phone, mga ID, mga dokumento at 1 kilo ng shabu na ibinenta sa poseur buyer, na ang street value  ay P5 milyon.

Makalipas ang tatlong oras, sumalakay ang nasabing mga awtoridad sa Mall of Asia sa kanto ng Diokno St., at Coral Way sa Pasay City at doon natimbog ang dayuhang  si Chun.

Sa buy–bust operation, nakuha ng mga operatiba sa sasakyang black Chevrolet Tahoe wagon ni Chun, alyas Qui Jan Jiun, ang 10 kilo ng shabu na nagkakahalaga ng P50 milyon, one black pouch bag na naglalaman ng assorted mobile phones, keys, cellular SIMs at load cards.

Sina Mahidhid at Chun ay nakadetine ngayon sa PDEA Detention cell makaraang sampahan ng kasong paglabag sa Section 5 (Sale of Dangerous Drugs) and Section 11 (Possession of Dangerous Drugs), Article II of Republic Act 9165.

Almar Danguilan/Jaja Garcia

About Hataw News Team

Check Also

Isko Moreno Domagoso Family Paris

Yorme Isko muntik mabudol sa Paris

COOL JOE!ni Joe Barrameda MAY kumakalat na tsismis na kesyo nabugbog daw ang dating Manila …

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

Leave a Reply