Friday , August 12 2022

Dinaanan ni Nona wala pang koryente

NANATILING walang suplay ng koryente sa mga lugar na sinalanta ng bagyong Nona.

Sa Quezon, walang koryente sa mga bayan ng Padre Burgos, Agdangan, Unisan, Pitogo, Macalelon, General Luna, Mulanay, Catanauan, San Narciso, San Andres, at Buenavista.

Walang koryente ang mga bayan ng Bulan, Matnog, Sta. Magdalena, Bulusan, Irosin, Juban, Casiguran, Magallanes, Gubat, Castilla, Donsol, at Bacon sa lalawigan ng Sorsogon.

Sa Albay, walang suplay ng koryente sa mga bayan ng Oas, Polangui, Libon, Ligao, Pio Duran, Guinobatan, at Camalig habang apektado ang mga bayan ng Iriga, Bato, Nabua, Buhi, Baao, at Balatan sa Camarines Sur.

Putol din ang suplay ng koryente sa mga bayan ng Sulat, Taft, Dolores, Can-avid, Oras, San Policarpo, Arteche, Jipapad, Maslog, Borongan, Balangkayan, San Julian, Maydulong, Llorente, Salcedo, Guiuan, MacArthur, Hernani, Quinapundan, Giporlos, Balangiga, at Lawaan sa Eastern Samar.

Walang koryente sa ilan pang lugar sa Kabisayaan, partikular na sa Northern at Western Samar.

Ayon sa National Grid Corporation of the Philippines at Department of Energy, oras na gumanda ang panahon ay agad silang magsasagawa ng inspeksyon.

Ito ay upang alamin kung saan nagkaroon ng problema na nauwi sa pagkawala ng suplay ng koryente sa mga nabanggit na lugar.

Napag-alaman ding walang suplay ng koryente sa Marinduque at Romblon.

Bawal munang maglayag sa VizMin — PCG

HINDI pa rin pinapayagan ng Philippine Coast Guard (PCG) na maglayag ang mga sasakyang pandagat sa mga lugar na apektado ng bagyong Nona.

Sa tala ng PCG nitong Martes, 4 a.m., halos 7,000 biyahero ang stranded sa mga pantalan sa buong bansa.

Nasa 2,265 pasahero ang nakatengga sa mga pantalan sa Timog Katagalugan habang 1,503 ang nasa mga pantalan sa Eastern Visayas.

Halos 1,002 pasahero ang naantala sa pantalan sa Bicol.

Higit 900 ang mga pasaherong apektado sa Central Visayas, higit 600 sa Palawan, at higit 300 sa Western Visayas.

Sa pier sa Maynila ay nasa 115 pasahero ang stranded.

Ayon kay PCG spokesman Commander Armand Balilo, hindi pa rin nila pinapayagan ang paglalayag dahil ayaw muna nilang magpakampante.

Aniya, paglipas ng bagyo ay magtataya pa sila kasama ang mga kapitan ng barko, kung makakaya ng mga sasakyan na suungin ang mga alon.

Northern Samar isinailalim na sa state of calamity

PORMAL nang idineklara ng Provincial Disaster Risk Reduction and Management Council (PDRRMC) ang pagsasailalim sa state of calamity sa buong lalawigan ng Northern Samar.

Ito ay dahil sa grabeng pinsala na iniwan ng bagyong Nona.

Base sa nakuhang impormasyon, aabot sa P724.95 milyon ang inisyal na danyos na iniwan sa impraestruktura sa Northern Samar habang aabot sa P121.33 milyon sa agrikultura.

About Hataw News Team

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …

Leave a Reply