Saturday , August 13 2022

Apela sa DILG imbestigahan QC kapitan

UMIINIT ang panawagan mula sa mga lehitimong manininda ng Mega Q-Mart sa Department of Interior and Local Government (DILG) na papanagutin ang isang mataas na opisyal ng Barangay E. Rodriguez sa Lungsod ng Quezon na umano’y nasa likod nang pangingikil sa kanila.

Hiniling nila kay DILG Secretary Mel Senen Sarmiento na maimbestigahan si barangay chairman Marciano Buena Agua Jr., at ang ilan sa kanyang mga Barangay Public Safety Officers (BPSOs) matapos ang pagbaligtad at paglalahad ng dalawa pang BPSOs ng alegasyon ng katiwalian laban sa kanila.

Anila, ang ganitong imbestigasyon ay magiging daan din upang mabigyan ng pagkakataon si Agua na magpaliwanag at linisin ang kanyang pangalan sa kontrobersiyang kinasasangkutan.

Nanawagan din ang grupo kay Quezon City Mayor Herbert Bautista na itigil ang nagaganap na kotongan sa mga manininda at biyaherong nagbabagsak ng kanilang kalakal sa nasabing pribadong pamilihan na kinsasangkutan ng nasabing punong barangay.

Umani ng batikos ang pamunuan ni Agua matapos magsampa ng magkahiwalay na reklamo ng extortion sa Office of the Ombudsman sina Felix Morados at Helen Cañete noong Nobyembre 23 laban kina Agua at BPSOs Wilmer Peñaflor, Joel Canonoy at Marlon Tadeo na umano, habang sila ay nagbababa ng kanilang paninda ay lumapit sina Tadeo at binantaang titiketan dahil sa paglabag sa batas trapiko kung hindi sila magbibigay ng P300 bawa’t delivery jeep o trak.

Nitong nakaraang Nobyembre 12, naghain ng reklamo sina Marilyn Almares, Mark Reil Comia, Hermogenes Untalan at Larry Suares ay laban kina Agua, Peñaflor, Canonoy, Tadeo at Rogelio Pineda sa alegasyon nang pangongotong sa kanila ng P300 kada jeep o trak na magbabagsak ng kanilang paninda.

Dalawa sa BPSOs ng Barangay E. Rodriguez ang kusang-loob na nagsumite ng sinumpaang salaysay na nagdidiin kay Agua na siya umano ang nasa likod ng nasabing ilegal na gawain.

Ayon kay Pineda, hindi na kinaya ng kanyang konsensiya ang “ginagawa namin na  kautusan ng aming Punong Barangay.”

Sa sworn affidavit ni BPSO Edwin Trijo, noong buwan ng Oktubre, siya ay inabutan ng isang biyahero ng P300 na may kalakip na papel kung saan nakasulat ang numero ng plaka ng kanyang sasakyan.

Ayon kay Trijo, may kutsabahang nagaganap sa pagitan nina Agua at ng mga BPSOs.

RE

About Hataw News Team

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …

Leave a Reply