64 flights kanselado

KINANSELA ang 64 domestic flights dahil sa bagyong Nona nitong Martes ng umaga.

Sa abiso ng Media Affairs Division ng Manila International Airport Authority (MIAA), anim biyahe ng Cebu Pacific, 10 sa CebGo (dating Tigerair), 46 sa Philippine Airlines Express at dalawa sa Sky Jet ang kinansela.

Kabilang sa mga apektado ang mga patungo ng Legaspi, Caticlan, Naga, Catarman, Calbayog, Roxas, Calibo, Busuanga at ang mga pabalik ng Maynila.

Inaabisohan na ang mga pasahero na makipag-ugnayan sa mga airline company kaugnay sa kanilang nakanselang biyahe.