Monday , August 8 2022

1 patay, 2 sugatan sa anti-drug ops ng NBI sa Pasay

PATAY ang isang lalaki habang sugatan ang dalawa pa sa ikinasang anti-illegal drug operation ng mga operatiba ng National Bureau of Investigation (NBI) sa Pasay City kamakalawa ng gabi.

Hindi na naisalba ng mga manggagamot ng San Juan De Dios Hospital ang buhay ng suspek na si Dario Cuenca, 49, ng Block 10, Lot 9, Libra St., Brgy. Dita, Santa Rosa, Laguna sanhi ng tatlong tama ng bala sa iba’t ibang parte ng katawan .

Habang isinugod din sa nabanggit na pagamutan ang mga sugatan na sina Bryan Marcelo, 41, ng San Pablo, Laguna, at Jeoffrey Magaspac, 48, ng Brgy. Balibago, Santa Rosa, Laguna.

Base sa ulat ni SPO3 Joel Landicho, dakong 7 p.m. nang isagawa ang operasyon ng mga tauhan ng NBI sa pamumuno ni Atty. Jerome Bomidiano laban sa mga suspek sa panulukan ng Marina Way sa Seaside Boulevard, SM Mall of Asia (MOA) Complex.

Lulan ang tatlong suspek ng isang silver Hyundai Accent Sedan (AAV-8780) nang matunugan ang operasyon ng NBI agents na sakay ng itim na Toyota Fortuner (WSI-890).

Unang nagpaputok ang grupo ng suspek na ginantihan ng mga tauhan ng NBI dahilan upang mapuruhan si Cuenca at nasugatan ang dalawa niyang kasama.

Nakuha ng mga awtoridad sa pinangyarihan ang isang plastic sachet na naglalaman ng hinihinalang shabu, isang kalibre .45 baril, mga bala, IDs, iba’t ibang dokumento sa loob ng sasakyan ng mga suspek.           

JAJA GARCIA/LEONARD BASILIO

15 katao arestado sa drug buy-bust sa Maynila (P.2-M droga nakompiska)

ARESTADO ang 15 katao, kabilang ang apat na babae, at mahigit 50 gramo ng shabu at marijuana ang nakompiska sa buy-bust operation ng mga awtoridad sa dalawang drug den sa Sampaloc, Maynila kahapon ng madaling-araw.

Kinilala ang mga naaresto na sina Rolando Reblido, Elmer Lorian, Nora Palavino, Nathaniel Aguilar, Richard Loyola, Christian Nirza, Jojit Austria, John Carlos, Marieta Guddang, Marylines Diongson, Rosalyn Cruz, Ariel Ramos, Melchor Santiago, Florento Santiago, at Delfin Santiago.

Tinatayang mahigit P200,000 ang halaga ng mga drogang nakuha mula sa mga suspek.

Ayon sa kay Chief Insp. Roberto Razon ng MPD DAID, dakong 4 a.m. nang isagawa ang operasyon sa Las Vegas St., kanto ng Ilang-ilang  St., Sampaloc, Maynila

Matagal nang minamanmanan ng mga awtoridad ang operasyon ng ilegal na droga sa Las Vegas St. sa nasabing lugar kaya nang makakuha ng tiyempo ay kanilang ikinasa ang operasyon.

LEONARD BASILIO

Parak, 2 pa tiklo sa entrapment ng PDEA

SHOOT sa rehas na bakal ang isang aktibong miyembro ng Philippine National Police (PNP) gayondin ang dalawa niyang kasama, makaraang ikasa ng Philippine Drug Enforcement Agency (PDEA) ang buy-bust operation sa Cagayan De Oro City.

Kinilala ni PDEA Director General Undersecretary Arturo Cacdac, Jr. ang mga suspek na sina PO2 Nickarter Noay, 32, nakatalaga sa Kinoguitan Municipal Police Station; Rendon Sarita, 21; at Charlie Racaza, 35, kapwa residente ng Libona, Bukidnon.

Ayon sa ulat, makaraan ang isinagawang surveillance sa tatlong suspek, inilatag ng PDEA ang entrapment operation sa Brgy. Kauswagan sa nasabing siyudad na nagresulta sa pagkakadakip sa mga suspek.

Nakompiska sa mga suspek ang 30 gramo ng shabu na nagkakahalaga ng P45,000, drug paraphernalia, at 9mm pistol.

Paglabag sa Section 5 (Sale of Dangerous Drugs), Section 11 (Possession of Dangerous Drugs) at Section 12 (Possession of Drug Paraphernalia) ng Article II ng Republic Act 9165 ang kahaharaping kaso ng mga suspek.

JETHRO SINOCRUZ

About Hataw News Team

Check Also

080522 Hataw Frontpage

Sa GenSan
6 PATAY, 7 SUGATAN SA KARAMBOLA NG 3 SASAKYAN 

ANIM katao ang namatay habang pito ang sugatan sa naganap na banggaan ng tatlong sasakyan …

Kelot tumalon sa NAIA duguan pero nabuhay

Kelot tumalon sa NAIA duguan pero nabuhay

GRABENG napinsala pero nakaligtas sa kamatayan ang isang 26-anyos lalaki nang tangkaing magpakamatay sa pamamagitan …

Alcatraz Prison

Mala-Alcatraz na kulungan, itatayo para sa heinous crime convicts

MAGTATAYO ng mala-Alcatraz na pasilidad para sa bilanggong nahatulan sa heinous crimes, gaya ng murder, …

shabu drug arrest

3 bigtime tulak nalambat sa Pampanga

NAPIGIL ng pulisya sa lalawigan ng Pampanga ang pagkalat ng milyong pisong halaga ng ilegal …

Bulacan Police PNP

Alyas Waway timbog sa pagtutulak ng shabu 14 kalaboso sa Bulacan

NAHULOG sa mga kamay ng batas ang isang matinik na tulak sa isinagawang operasyon ng …

Leave a Reply