Saturday , August 13 2022

Cyber sabong ilegal (NBI nagbabala sa may-ari ng sabungan)

1214 FRONTHINDI lang ang operator ng ilegal na tayaan sa sabong websites ang kakasuhan kundi maging ang may-ari ng sabungan kung saan ginaganap ang live streaming ng pasabong.

Ito ang seryosong babala ng National Bureau of Investigation (NBI) matapos salakayin kamakalawa ng mga tauhan nito ang isang sabungan sa Tarlac City at naaktohan ang ilegal na pustahan ng mga sabungero sa pamamagitan ng internet online betting.

Naaresto ng mga operatiba ng NBI sa loob ng New Tarlac Coliseum (NTC) sa Brgy. Binaguanan, Tarlac City ang mga tauhan ng sinasabing illegal na sabong-betting websitesna www.sabongtambayan.com at www.sabongworld.net

Sa bisa ng isang search warrant na inisyu ni Judge Richard Paradeza, nahuli sa akto ang video recording ng mga sultada at pagpapalabas nito sa internet nang live upang mapagsugalan ng online players.

Bilang ebidensiya, agarang idinokumento ng mga operatiba ang pangyayari at kinompiska ng NBI ang equipment na gamit sa broadcast online ng nasabing websites.

Kasama sa mga kinompiska ang laptops, desktop computers, internet modems, LTE broadbands, audio mixers, video switchers at mga camera na gamit sa  broadcast online.

Ang mga nahuling operators at crew nito ay pansamantalang pinakawalan pero sila ay kakasuhan sa regular filing ng NBI ng kasong illegal gambling at cyber crime.

Ang mga nagmamay-ari ng mga website na nahuli ay mahaharap din sa patong-patong na kaso.

Panawagan ng NBI sa operators at crew ng ibang illegal online sabong website na nag-o-operate sa ibang lugar sa Filipinas, siguraduhin na may matibay na permits at license to operate ang may-ari ng websites.

Binalaan din ang mga may-ari at operators ng mga sabungan na siguruhin ang mga nais mag-cover sa kanilang mga palaban ay may legal na lisensiya o permiso.

“Tulad nang lagi naming paalala, hindi maaaring maging dahilan ng isang mare-raid na sabungan na hindi niya alam na illegal ang website na nagko-cover sa pasabong nila dahil dapat may pananagutan din sila sa pagpayag na mag-cover at ipalabas sa internet ang kanilang pasabong upang mapagsugalan,” pahayag ng NBI.

Matatandaan na una nang nasakote ang mga online-sabong sites na www.sabongcavite.com at www.sabongch.com.

Kabilang din sa mga sinasabi na maaaring makasuhan dahil sa paglabag sa Republic Act 10175 o Anti-Cybercrime Law ay mga sabong-online betting websites na www.sabongbisaya.com www.sabongglobal.com ;www.sabongprince.com ; www.sabongtayo.com; www.sabongiloilo.com ; www.sabongpoint.com ; www.sabongkabayan.com; www.sabongbig5.com ; www.sabongnow.com ;www.sabongN.com ; www.sabongquezon.com ; www.marangalsabungero.com/; www.sultadahan.com/ ; www.sultadahan2.com/ ;  www.kakaruksabong.com ; www.sabongw.com ; www.sabongarena.net ;   www.esultada.com.ph/ ; www.sabongbatangas.com/ ; www.sabong5.com atwww.sabongqueenlive.com

About Hataw News Team

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …

Leave a Reply