Lider ng drug group itinumba sa Quezon (1 pa sugatan)

NAGA CITY – Patay ang isang “Lambat-Sibat” priority target ng mga awtoridad, habang sugatan ang isa pa makaraang pagbabarilin sa Tiaong, Quezon kamakalawa.

Kinilala ang biktimang napatay na si Melvin Uypico, 49-anyos, habang sugatan si Ronelyn Andao, 22-anyos.

Napag-alaman, pinagsalitaan ni Andao nang masasakit na salita ang suspek na kinilala sa pangalang Buyoy, na nagresulta sa pamamaril ng salarin.

Tinamaan ng bala sa iba’t ibang bahagi ng katawan si Uypico na nagresulta sa agaran niyang pagkamatay.

Habang itinakbo sa pagamutan si Andao upang malapatan ng lunas.

Napag-alaman, kabilang si Uypico sa mga ‘Lambat-Sibat’ priority target ng San Pablo City Police Station dahil siya ang lider ng Uypico Drug Group.

Nagpapatuloy ang imbestigasyon ng mga awtoridad ng insidente.