Friday , August 12 2022

Pemberton 6 taon kulong (Guilty sa homicide)

HINATULAN bilang guilty ng Olongapo Regional Trial Court Branch 74 si US Marine Lance Corporal Joseph Scott Pemberton kaugnay ng kasong homicide o pagpatay sa transgender na si Jeffrey Laude alyas Jennifer.

Matatandaan, Nobyembre 24 sana ang promulgasyon ngunit dahil sa ilang proseso, itinakda ito nitong Disyembre 1, 2015.

Ito ay dahil hindi maaaring lumagpas ng isang taon sa korte ang kaso, base na rin sa kasunduan ng Estados Unidos at Filipinas.

Sa verdict ni Judge Roline Ginez Jabalde na binasa ni Atty.Gerry Gruspe, makukulong ng 6-12 taon si Pemberton sa jail facility ng Filipinas.

Pinagbabayad din ng P50,000 si Pemberton para sa civil indemnities sa mga naiwan ni Laude.

Ikinatuwa ni Olongapo City Mayor Rolen Paulino ang pagtatapos ng kaso dahil nakaapekto na nang malaki sa sektor ng turismo ng kanilang lungsod ang nasabing usapin.

Aniya, inaasahan niyang manunumbalik na ang normal na takbo ng buhay sa kanilang syudad dahil sa closure ng kaso.

Naging emosyonal ang pamilya Laude sa naging pagbasa ng hatol.

Bago ito, inisa-isa ng clerk of court ang mga nakalap na data kaya tumagal ito nang halos dalawang oras.

Ina ni Laude ‘di kuntento sa hatol

HINDI kontento ang ina ni Filipino transgender Jeffrey “Jennifer” Laude sa naging hatol ng korte kay US Marine Lance Corporal Joseph Scott Pemberton.

Pinatawan ng anim hanggang 12 taon pagbilanggo ng Olongapo Regional Trial Court Branch 74 si Pemberton sa kasong homicide at hindi murder.

Ayon kay Mrs. Julita Cabillan, ina ni Jennifer, hindi siya pabor sa mas maiksing pagkulong suspek na pumatay sa kanyang anak.

Sa kabila nito, tanggap pa rin ni Gng. Cabillan ang court ruling dahil hindi nasayang ang kanilang ipinaglaban.

Umasa na lamang siya na sana’y pagdusahan ni Pemberton ang hatol at hindi balang araw ay makita na lamang na nagsa-shopping sa Amerika.

About Hataw News Team

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …

Leave a Reply