Friday , January 27 2023

Bebot sinaktan, ginahasa ng ex-BF

NAGA CITY – Dumulog sa tanggapan ng Pagbilao MPS ang isang babae at kanyang ama kasama ang isang miyembro ng Municipal Social Welfare and Development Office para ireklamo ang isang lalaki dahil sa pananakit at panggagahasa sa biktima Pagbilao, Quezon.

Kinilala ang suspek sa pangalan na Carlo, 21-anyos.

Napag-alaman, nakipagkita ang biktimang si Ana, 18, sa suspek na kanyang ex-boyfriend sa isang restaurant para ibalik ang notebook makaraan ang kanilang break-up.

Matapos nilang kumain ay pwersahang sinakay ng suspek ang biktima sa kanyang sasakyan para makapag-usap sila tungkol sa kanilang paghihiwalay.

Habang nasa loob ng kotse ay tinangka ng biktima na bumaba ngunit hinila at kinagat ng suspek ang palad ng biktima.

Walang nagawa ang biktima hanggang sa dinala siya ng suspek sa kanyang farmhouse para mag-usap at manood ng mga pelikula.

Ngunit nang nasa loob na ng farmhouse ay puwersahang hinubaran ng suspek ang biktima at ginahasa.

Nang matapos ang panghahalay ay tinangka ng biktima na umuwi ngunit pinigilan ng suspek.

Bunsod nito, nagbanta ang biktima na magsusumbong sa kanyang tatay. Ikinagalit ito ng suspek kaya kinaladkad ang biktima sa banyo at sinakal.

Sumigaw ang biktima at humingi ng tulong ngunit iniumpog ng suspek ang kanyang ulo sa sahig.

Makalipas ang isang oras, nang lumamig ang ulo ng suspek ay nakombinsi ng biktima na pauuwin na siya. 

Nang makauwi, agad nagsumbong sa kanyang ama ang biktima at sa tulong ng MSWDO ay nadakip ang suspek.

About Hataw News Team

Check Also

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Electricity Brownout

Sistema ng NAPOCOR, Paurong – HATAMAN

Dahil sa paulit-ulit na brownout sa Basilan at sa iba pang maliliit na isla sa …

Sibuyas Onions

Kulang na cold storage, sanhi ng pagtaas ng presyo ng sibuyas

ITINURO ni Pangulong Ferdinand R. Marcos Jr. ang kakulangan ng mga pasilidad ng cold chain …

Koko Pimentel Bongbong Marcos

Pimentel kay FM Jr.:
MAGTALAGA NG REGULAR AGRICULTURE SECRETARY

NANINIWALA si Sen. Aquilino “Koko” Pimentel III na pinahihirapan lang ni Pangulong Ferdinand R. Marcos …

shabu drug arrest

‘Kristo’ tiklo sa buybust

HINDI nakapalag ang isang lalaki sa pag-aresto ng mga awtoridad nang masukol sa ikinasang drug …

Leave a Reply