HATAW! D'yaryo ng Bayan hatawtabloid.com
Isumbong mo
kay DRAGON LADY
ni Amor Virata
SABI ng Commission on Elections (COMELEC), ‘wag maniniwala sa mga naririnig o nababasa sa social media sa mga anunsiyo na kailangan ang lahat ng botante ay merong National ID.
Fake news po ‘yan! Una ‘di lahat ay inisyuhan ng National ID. Ako nga mahigit isang taon bago ko natanggap ang aking National ID.
Ang nasabing fake news ay ipinakakalat ng mga walang magawa sa buhay.
Sana maging responsable ang lahat sa pag -aanunsiyo ng mga bagay na resulta ng pagkakaroon ng kaguluhan.
Sabi nga ng Comelec, ang kanilang tanggapan ang dapat mag-anunsiyo kung may katotohanan.
Kaya malinaw na hindi po kailangan ang National ID para bumoto!
***
Iyong mga nakatanggap ng show cause order nila sa Comelec ay siguradong lampas ulo na ang kaba. Pero sabi nga nila, ang lahat ay naaayos sa paliwanagan basta ‘wag lang sa ‘areglo’.
Nakaaawa rin kasi na gumastos nang malaki sa kanilang pangangampanya tapos madi-disqualify lang.
Isang aral ito sa lahat ng kakandidato sa mga susunod na eleksiyon, maging maingat maski sa pagsasalita sa ibabaw ng entablado, maging maingat sa pagbatikos para walang problemang haharapin!
***
Parang trumpo na umiikot ang mga kandidato partikular ‘yung alam nila na mahigpit ang laban sa kanilang mga katunggali.
Bantayan maigi ang mga vote-buying sa bisperas ng eleksiyon.
