HATAW! D'yaryo ng Bayan hatawtabloid.com
Back to Basic
NATURE’S HEALING
ni Fely Guy Ong
Dear Sis Fely Guy Ong,
Ako po si Nelia de Guzman, 45 years old, isang mananahi, naninirahan sa Rosario, Cavite.
Ibang klase po talaga ang tag-init ngayon, may hangin pero sing-init ng apoy ang simoy. Kaya kapag nasagap mo at na-inhale ay napakasikip sa dibdib.
Kahit po naka-aircon ang patahian namin, ay ramdam pa rin ang init dahil higit 20 kami sa isang hindi naman kalakihang kuwarto.
Siguro po marami ang hindi maniniwala na ang solusyon ko rito ay Krystall Herbal Oil at pag-inom ng maligamgam na tubig.
Alam po ba ninyo Sis Fely, kapag medyo umiinit na ang pakiramdam ko, gaya ng turo ninyo, umiinom ako ng maligamgam na tubig tapos maghahaplos ako ng basang bimpo na may suka, lagi po akong nagbabaon nito. Ihahaplos ko sa mukha, sa batok, sa kili-kili, sa tiyan, sa paa at pagkatapos ay maghahaplos din ako ng Krystall Herbal Oil hanggang lumabas ang pawis ko.
Kapag pinawisan na po ako, tiwala na akong lumabas na ang init at alinsangan mula sa loob ng katawan at pamaya-maya pa, ginhawa na ang aking pakiramdam.
Ito po ang pinakamabisang paraan na natutuhan ko sa inyo para makaiwas sa heat stroke.
Kaya grabe po talaga ang pasalamat ko dahil sa pamamagitan ng mga turo at paggamit ng inyong mga imbensiyon ay nakaliligtas ako sa mga karamdaman.
Maraming salamat po Sis Fely, sa inyong walang sawang pagtuklas ng mga karunungan na nakatutulong sa inyong mga tagasubaybay.
God bless po.
NELIA DE GUZMAN
Rosario, Cavite
