Wednesday , October 5 2022
Kit Thompson Quinn Carrillo

Quinn walang isyu sa pakikipagtrabaho kay Kit  

PABONGGAHAN
ni Glen P. Sibonga

EXCITED na si Quinn Carrillo na muling makatrabaho si Kit Thompson sa upcoming movie na Showroom sa ilalim ng produksiyon ng 3:16 Media Network at Viva Films. Isa si Quinn sa leading ladies ni Kit kasama si Rob Guinto

Unang nagkasama sina Quinn at Kit sa pelikulang Moonlight Butterfly pero si Christine Bermas ang leading lady ng aktor. Kaya naman looking forward na si Quinn sa mas maraming eksenang pagsasamahan nila ni Kit sa Showroom. Bukod sa pagiging lead actress, si Quinn din ang scriptwriter ng movie.

Wala ring isyu kay Quinn ang pakikipagtrabaho kay Kit sa kabila ng mga kinaharap na intriga ng aktor.

“Wala talagang isyu sa akin ‘yun. Kasi iba naman ang trabaho sa personal. Kung anuman ‘yung kinaharap na isyu ni Kit haharapin niya ‘yun personally. Kit will always be a good actor para sa akin at maayos siya katrabaho. Kung ang producers at direktor nga namin sa ‘Showroom’ ay nagtiwala sa kanya kaya ibibigay ko rin ang tiwala ko kay Kit sa movie na ito,” sabi ni Quinn.

Sa storycon at presscon ng Showroom kamakailan, inihayag ni Len Carrillo na tumatayong production unit head at producer ng pelikula na hindi siya nagdalawang-isip o nagkaroon ng apprehension na kunin si Kit.

“Hindi eh. Actually, first choice namin talaga siya,” bulalas ni Ms. Len. “Actually, may second movie na nga agad siya sa amin eh kung tatanggapin niya. The one with Adolf (Alix). Kasi si Kit magaling talaga iyan. Magaan pang katrabaho si Kit.”

Maging ang direktor na si Carlo Obispo ay maganda rin ang naging pahayag para kay Kit. “Noong malaman ko na kasama si Kit, ipina-block ko na agad ang schedule niya para malaman namin kung pwede na siyang makapag-lock-in (shooting). Excited na rin akong makatrabaho siya. Noong sinabi sa akin na si Kit, walang duda-duda. Gusto ko siyang makatrabaho.”

Aminado naman si Kit na na-touch siya sa mga narinig niyang mga papuri at magagandang pahayag tungkol sa kanya. Kaya pinasalamatan niya ang mga ito kasama na si Quinn sa tiwalang ibinigay sa kanya at sa oportunidad na makabalik sa showbiz. Ipinagdasal niya ito at thankful siya na ibinigay ito ng Panginoon.

Makakasama nina Quinn at Kit sa cast ng Showroom sina Emilio Garcia, Rob Guinto, Mon Mendoza, Marc Dionisio, AJ Oteyza, Paolo Rivero, Massimo Scofield, Itan Rosales, Nico Loco, Calvin Reyes, Richard Solano, Aaron Conception, Elmo Elarmo, at marami pang iba.

About Glen Sibonga

Check Also

Gene Juanich Once On This Island

Gene Juanich mapapanood sa Broadway musical na Once On This Island

ALAM MO NA!ni Nonie Nicasio SOBRANG tuwa ng singer/songwriter na si Gene Juanich dahil bahagi siya siya sa CDC Theatre’s regional Broadway …

Jeric Gonzales

Star Up PH malaking break kay Jeric

COOL JOE!ni Joe Barrameda ISANG malaking break ang ibinigay at suporta ng GMA sa alaga naming si Jeric …

Floyd Mayweather AQ Prime 2

Floyd Mayweather walang balak mag-artista   

COOL JOE!ni Joe Barrameda LINGID sa kaalaman ng iba ay tahimik na dumating dito sa …

Genesis Gallios

Bagong production ni Genesis Gallios inilunsad 

MA at PAni Rommel Placente NAGING matagumpay ang birthday show/dinner ng tinaguriang Queen of the …

Barbie Imperial

Barbie sa netizens: Bakit ako naging malandi? ‘Hindi ako laspag?

MA at PAni Rommel Placente SINAGOT ni Barbie Imperial ang mean comments sa kanya ng ilang netizens, …