Gameboys fans excited sa Season 2 sa May 22

PABONGGAHAN
ni Glen P. Sibonga

TUWANG-TUWA at na-excite ang fans ng Gameboys nang sa wakas ay ilabas na ng producer nitong The IdeaFirst Company ang release date ng inaabangang season 2 ng nasabing hit Pinoy BL series.

Sa social media accounts ng IdeaFirst ay inilabas nila ang teaser ng release date ng season 2 na 05.22.22.S2. Itinaon nila ito sa second anniversary ng Gameboys, na unang ini-release noong May 22, 2020. Ang bongga ‘di ba, season 2 sa second anniversary sa May 22!

Siyempre ibinahagi rin ng mga bida ng Gameboys na sina Elijah Canlas at Kokoy de Santos sa Twitter ang post ng IdeaFirst.

Caption ni Elijah, “#GameboysS2 when???” Habang si Kokoy naman ay, “May 22ong 22o akong nabalitaan. #GameboysS2.”

Kahit madaling-araw ipinost ng IdeaFirst ang Gameboys season 2 release date ay tumodo sa tweets ang gising pang fans.

Tweet nga ng isa, “Eto nanaman tayo sa madaling araw na ayuda. Gameboys season na ngaaaaa! #GameboysS2″

Ayon sa isa pang tweet ng fan, “akala po namin announcement ng season 2 ang mangyayari sa 5.22.2022. start na po pala? yey!!! sorry po sa flooding ng tweets, sobrang saya lang talaga. gising GB fam please, kailangan ko ng kausap!”

Mayroon pang naging emosyonal, “Grabe kayo. Pinaiiyak nyo po kami. Salamat”