Friday , May 27 2022
Elijah Canlas Kokoy de Santos Leni Robredo Kiko Pangilinan

Elijah at Kokoy suportado ang Leni-Kiko tandem

PABONGGAHAN
ni Glen P. Sibonga

PROUD Kakampinks ang The IdeaFirst Company artists na sina Elijah Canlas at Kokoy de Santos! Kabilang sila sa celebrities na nagbigay ng suporta at present sa PasigLaban campaign rally nina Vice President Leni Robredo at Senator Kiko Pangilinan na ginanap noong March 20 sa Emerald Avenue, Ortigas, Pasig City. Kandidato sa pagka-Presidente at Vice President sina Leni at Kiko respectively sa nalalapit na eleksiyon sa Mayo.

Nakasama nina Elijah at Kokoy sa campaign rally ang iba pang Kakampinks celebrities na sina Angel Locsin, Julia Barretto, Jolina Magdangal, Melai Cantiveros, Robi Domingo, Donny Pangilinan, Janine Gutierrez, Jake Ejercito, Iana Bernardez, Adrian Lindayag, Miles Ocampo, at marami pang iba.

Sumampa pa stage at humarap sina Elijah at Kokoy sa mahigit 130,000 katao para ihayag ang kanilang suporta para kina Leni at Kiko.

Nag-post pa sa Twitter si Kokoy ng selfie niya with Elijah na naka-background ang libo-libong Kakampinks crowd. Ayon sa caption ni Kokoy na naka-tag pa si Elijah, “Laban (with heart and pink flower).”

Comment naman ni Elijah, “di na kailangan mag angat t shirt! siguradong angat buhay lahat kay #LeniKiko2022!”

Na-proud naman ang fans nina Elijah at Kokoy sa paninindigang ginawa ng kanilang mga idolo.

Maging ang mga manager at boss nina Elijah at Kokoy sa The IdeaFirst Company na sina Direk Jun Robles Lanaat Direk Perci Intalan ay hayagan din ang pagiging Kakampinks. Makikita nga sa kanilang social media accounts ang aerial view ng dami ng mga taong dumalo at sumuporta sa Pasig campaign rally nina Leni at Kiko.

Samantala, espesyal naman para kina Elijah at Kokoy ang Emerald Avenue, na pinagdausan ng campaign rally, dahil sa naturang lugar din naganap at shinoot ang importanteng eksena nila sa kanilang pinagbidahang season one ng hit Pinoy BL series nilang Gameboys. Sa Emerald Avenue naganap ang face-to-face meet up ng mga karakter nila sa serye matapos ang kanilang matagal na online communication dahil sa pandemya. Roon din naganap ang kanilang first pandemic hug at kiss na may plastic na nakapagitan.

About Glen Sibonga

Check Also

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Kris Aquino Lolit Solis

Lolit Solis naiyak sa sulat ni Kris Aquino

MA at PAni Rommel Placente SABI ni Lolit Solis noong kaarawan niya, May 20, nagpadala sa kanya …