Friday , May 27 2022
Calista girl group

Calista handang makipagsabayan sa ibang girl groups

PABONGGAHAN
ni Glen P. Sibonga

BUMILIB at humanga kami sa bagong all-female P-Pop group na Calista dahil sa ipinamalas nilang bonggang performance sa ginanap na grand media launch nila noong March 8 sa Monet Ballroom ng Novotel Manila.

Hindi rin nagpakabog ang Calista sa kanilang sikat na special guests na sina Billy Crawford at Niana Guerrerosa kanilang collab performance sa press launch hosted by DJ JhaiHo.

Talaga namang hitik sa ganda, talento sa pagkanta at pagsayaw, gayundin sa husay at talino sa pagsagot sa mga tanong ng press at media people ang mga miyembro ng Calista na sina Anne, Olive, Laiza, Denise, Elle, at Dain.

Handa na nga ang Calista na makipagsabayan sa iba pang girl groups sa industriya ngayon. Ayon nga kay Olive, “Ang dami ng girl groups ngayon, actually, and we all have the same goal to be number one and we worked hard for the position that were given. But for Calista, I can say that we are on a league of our own. We don’t compete with the others, we just compete for ourselves so that we’ll be able to grow and to catch the dream na pinapangarap namin talaga.”

Dagdag pa ng ibang miyembro, taglay nila ang passion at commitment upang magtagumpay sa industriya and to be on top.

Ini-launch din ng Calista sa event ang music video ng kanilang debut single na Race Car, written and composed by Marcus Davis. Ang music video ay produced by Merlion Events Production Inc.

Hindi naman napigilang maging emosyonal ng mga miyembro ng Calista nang magpasalamat na sila sa isa’t isa dahil sa lahat ng kanilang pinagsamahan hirap at pagod sa trainings ngayon ay naabot na nila ang kanilang pangarap. Nagpasalamat din sila sa lahat ng press na dumalo sa launch, sa kanilang mga pamilya, sa manager nilang si Tyronne Escalante at sa Merlion Events Production Inc.

Inanunsiyo rin ng Calista sa media launch ang upcoming concert nila na Vax to Normal na magaganap sa April 26, 2022 sa Smart Araneta Coliseum. Makakasama nila sa concert sina Yeng Constantino, AC Bonifacio, Elmo Magalona, Andrea Brillantes, Darren Espanto ,at Ken San Jose. Produced by Merlion Events Production Inc., ang Vax to Normal ay ipalalabas naman sa telebisyon sa May 1, 9:00 p.m., sa TV5.

About Glen Sibonga

Check Also

Bea Alonzo spain house

Pagbili ng apartment ni Bea sa Spain sisiw lang sa aktres

REALITY BITESni Dominic Rea SISIW lang o barya lang para kay Bea Alonzo ang halaga ng binili …

Xian Gaza Barbie Imperial

‘Lampungan’ sa socmed nina Barbie at Xian saan mauuwi?

REALITY BITESni Dominic Rea MAY patutunguhan ‘yang ‘lampungan’ sa social media o exchange of words …

Cara Gonzales Ikaw Lang Ang Mahal

Cara Gonzales palaban bilang direktor na pokpok

HARD TALKni Pilar Mateo ANO ba ‘yung pinanood ko? Ibang klase talaga itong si Direk Richard …

Sylvia Sanchez Lee Jung-jae

Sylvia nakadaupang palad si Lee Jung-jae

PROUD na ibinahagi ni Sylvia Sanchez sa kanyang social mediaaccount ang picture nila ng Korean superstar na …

Regine Velasquez Moira dela Torre Gary V Chito Miranda

Regine, Moira, Chito, at Gary mga hurado ng Idol Phils Season 2

NAGBABALIK ang pinakamalaking singing competition sa bansa, ang Idol Philippines  sa ikalawang season nito kasama ang minahal …