Friday , May 27 2022
Toni Gonzaga

Toni muling nagpahayag ng suporta sa ABS-CBN

HATAWAN
ni Ed de Leon

NAGPAHAYAG muli si Toni Gonzaga sa pakikiisa sa damdamin ng kanyang mga dating kasamahan sa ABS-CBN na nawalan ng trabaho.

Sinabi rin naman niyang hindi pa rin niya binabago ang sinabi niya noon na, “hindi naman habang panahon ay nariyan ang mga nagpasara sa ABS-CBN.” Pero mas neutral na ngayon ang kaisipan ni Toni na nagsabi ring sumusunod siya sa naging desisyon ng kongreso, dahil hindi naman

basta maipasasara ang ABS-CBN  kung hindi nagkaroon kahit na kaunting batayang legal ang mga gumawa niyon. Marami ring mga neutral observer ang may pananaw na ganyan, “kung hindi nila binigyan ng dahilan, hindi naman sila maipasasara.”

Hindi kasing sakit iyan ng nangyari noon sa BBC 2, na walang violations at may umiiral na franchise, pero dahil  lang sa bintang na sila ay crony network, kinuha ng gobyerno noon, at ipinasa sa ABS-CBN, hanggang tuluyan na ngang nawala. Matapos na mangyari iyon, inulan pa ng media bashers ang BBC 2, na hindi na nga umangal at hinayaan na lang na makuha ng gobyerno hindi lang ang karapatan kundi maging ang lahat ng assets ng network, kabilang pa ang mga sister station niyong RPN9 at IBC13. Iyan ang mga top stations noon na bumagsak lang naman nang pasukin ng gobyerno ang pagpapalakad, at hindi na nga nakabangon. Naapi rin ang mas marami pang manggagawa ng tatlong networks. Marami rin ang nawalan ng trabaho. Pero hindi sila nag-ingay, dahil kagaya nga ng sabi ni Toni, “hindi naman kayo habang panahon sa posisyon,” na nangyari nga sa kanila ngayon.

Pero ganoon talaga ang tao, basta pabor sa kanila “tama”kahit na walang katuwiran. Kung laban naman sa kanila “mali” kahit na ano pa ang dahilan.

Maliwanag din naman kasi ang nangyari, natapos ang franchise ng ABS-CBN, nag-expire at hindi na sila binigyan ng bago.

Hindi gaya ng ginawa noon sa BBC na may legal at valid franchise pero pinawalang saysay dahil lamang sa suspetsa. Noon kasi ang suspetsa lang, kahit na “hear say” ay ebidensiya na. Kung iisipin mo, iyon ang talagang dagok sa freedom of the press. Iyang pagkakaroon ng franchise, hindi kasi iyan karapatan, iyan ay privilege. Maaaring ibigay o hindi, batay sa opinion ng mga magbibigay noon.

Para rin iyang social media, hindi kaparatan iyan kung si privilege. Kaya kung maisipan kang i-block ng social media platform, hindi ka na makakaangal ano man ang desisyon nila. Ni hindi ka sasabihan kung ano ang violation mo o bibigyan ng pagkakataong mangatuwiran, kasi nga privilege lang.

Sa pagkakataong ito, naniniwala kaming tama ang kaisipan ni Toni.

About Ed de Leon

Check Also

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …

Kris Aquino Lolit Solis

Lolit Solis naiyak sa sulat ni Kris Aquino

MA at PAni Rommel Placente SABI ni Lolit Solis noong kaarawan niya, May 20, nagpadala sa kanya …