Saturday , May 28 2022
Gabby Concepcion

Gabby mas naging wise, politika isinantabi

HATAWAN
ni Ed de Leon

NAGPAHAYAG si Gabby Concepcion na hindi na raw siya papasok na muli sa politika. Minsan na kasi siyang pumasok diyan at natalo bilang mayor sa bayan ng San Juan. Pero sa totoo lang, mali ang pasok niya noon dahil ang sinuwag niya ay isang pamilyang humawak sa noon ay bayan pa ng ilang panahon na. Siguro kung naghintay siya nang kaunting panahon pa at pinag-aralan ang sitwasyon ay baka nga sakali pa. Iyang politika kasi importante ang timing eh. Iisipin ba ninyong noong nakaraang eleksiyon ay tumaob ang political clan na

iyon, hindi lang sa San Juan kundi sa lahat ng teritoryo na dati na nilang nahawakan.

Isa pa, noong mga panahong iyon ang tingin ng mga taga-San Juan ay masyadong bata pa si Gabby para sa posisyon. Sinasabi pa ng iba na kulang ang kanyang karanasan dahil ni hindi siya naging opisyal man lang ng barangay bago tumakbong mayor. Ang isa pang factor, matindi noon ang mga intriga laban kay Gabby, at ang pinakamalaking problema, wala siyang nakuhang malaking financial support para itaguyod ang kanyang kampanya. Noong kumandidato si Gabby, umasa lang siya sa personal niyang popularidad. Wala rin siyang political machinery.

Iyong pagkatalo noon ni Gabby ay dahil sa katotohanang hindi niya napag-aralan nang husto ang kanyang pinasok. Pero ang magandang epekto nga siguro niyon kay Gabby, nadala na siya at ngayon nga ay ayaw na niyang pumasok na muli sa politika.

Tama rin naman iyan dahil napakahirap na pagsabayin ang politika at ang showbusiness. Hindi mo mapagsasabay dahil parehong matindi ang demands sa iyong atensiyon at panahon. Kailangang iwanan mo ang showbusiness o talikuran mo na ang politika. Pinili ni Gabby na talikuran na ang politika.

Wise naman si Gabby. Siguro ang kinikita ni Gabby bilang actor sa isang araw na taping lamang ay halos kabuuang suweldo na ng isang mayor sa isang buwan. Lahat naman ng mga artistang pumasok sa politika ay umaamin na totoo iyan.  Maski nga si Ate Vi, minsan ay nagsabing nagulat siya nang malaman niyang mas malaki ang tax na binabayaran ng anak niyang si Luis. Ibig sabihin mas malaki ang kinikita niyon kaysa kanya at noon ay governor na siya. Kung minsan nga at may mga proyekto siyang nangangailangan ng mas malaking pondo, nagpapaalam siyang gagawa ng pelikula para may pagkunan siya ng additional funds na hindi na kayang kunin sa budget ng gobyerno.

Kaya nga wise si Gabby na huwag nang pumasok sa politika.

About Ed de Leon

Check Also

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …

Kris Aquino Lolit Solis

Lolit Solis naiyak sa sulat ni Kris Aquino

MA at PAni Rommel Placente SABI ni Lolit Solis noong kaarawan niya, May 20, nagpadala sa kanya …