Wednesday , July 24 2024
Dragon Lady Amor Virata

Tatlong panibagong variant… tama na

Isumbong mo
kay DRAGON LADY
ni Amor Virata

SA HIRAP na dinaranas ngayon ng ating bansa, mahihirapan nang makaahon, heto at may tatlong bagong variant ng CoVid-19 na naman, bagama’t wala pa sa ating bansa. Ang Deltacron o Delmicron, Flurona at IHU na may dalawang pasyente na sa Estados Unidos at Israel ay lubos na nakababahala, ang pangamba ay baka makapasok sa ating bansa.

Ang Deltacron ay may 25 kataong apektado sa bansang Cyprus, samantala may 12 pasyente ang IHU sa bansang France.

Huling ulat mula sa DOH na posibleng madagdagan pa ang bilang ng mga nagkakasakit sa buwan ng Pebrero. Lubhang apektado na ang mga local government units (LGUs), katulad sa siyudad ng Parañaque.

Agad na nagpasa ng Ordinansa ang Konseho para i-extend ang pagbabayad ng business tax ng mga negosyante, kung may mga nag-restore, marami na rin ang nagsara ng kanilang mga negosyo, dahil hindi na kumikita o hindi na makabawi sanhi ng pandemya.

Kitang -Kita na bawas na ang dating koleksiyon sa business tax, nariyan na nagbigay ng amnesty ang mga LGUs sa real property tax sa mga nais ng advanced payments, lahat ay ginawa na ng LGUs bilang konsiderasyon sa taxpayers.

Apektado tiyak ang pagkakaloob ng LGUs ng monthly allowance sa mga libo-libong estudyante na P500 kada buwan na kung minsan ay tatlong buwan naiipon bago maibigay. Siguro ideklara muna na itigil ang monthly allowance ng mga estu­dyan­te, pro­blema na muna ng mga magulang ‘yan.

Tutal online classes at home naman at hindi face-to-face ang mga mag-aaral, na kadalasan mga magulang ang kumukuha ng allowance ng mga mag-aaral at ipinambibili lang ng pagkain ng kanilang pamilya na dapat ay sila ang magsikap para buhayin at pag-aralin ang kanilang mga anak.

Paano na ang bansa natin kung patuloy tayong aasa sa bigay ng gobyerno? Ang mga kawawang empleyado na kinakaltasan ng buwis pero ang nakikinabang ay mga taong tamad maghanap­buhay, walang pagsisikap, at tunay na umaasa lamang sa mga ayudang bigay ng gobyerno.

Siguro panahon na, para magkaroon ng census sa mga pamilyang dapat bigyan ng ayuda, ‘yung pamilyang hindi sapat ang kinikita pero may trabaho. Pero ‘yung pamilyang walang mga trabaho, nakaupo lang, naghihintay, ‘yan ang mga hindi dapat bigyan. Dahil lumilitaw na konsintidor ang gobyerno sa mga taong tamad.

Paano kung lahat ng negosyo ay magsara? Paano kikilos ang pamahalaan kung walang pumapasok na pondo sa kaban ng bayan?

Sa ngayon, paghandaan natin ang susunod na buwan dahil mas darami pa ang maaapektohan ng CoVid-19 ayon sa ulat ng Department of Health (DOH), pero dahil gustong mabuhay ng mga tao, lumalabas ng kanilang bahay at naghahanap ng makakain.

About Amor Virata

Check Also

Sipat Mat Vicencio

Pacquiao at Lapid ‘basurang’ kandidato ni Bongbong

SIPATni Mat Vicencio DAPAT pag-isipang mabuti ni Pangulong Ferdinand “Bongbong” Marcos, Jr., kung nararapat bang …

Dragon Lady Amor Virata

Mag-asawa for mayor sa 2025 local elections

Isumbong mokay DRAGON LADYni Amor Virata SABI ni Parañaque City Cong. Edwin Olivarez, ang utol …

FIRING LINE ni Robert B. Roque, Jr.

Paghihintay sa SONA

FIRING LINEni Robert B. Roque, Jr. INAASAHANG nakatutok ang mata ng lahat sa Presidente sa …

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …